Kluba kunveno de la loka grupo "La Ratkaptista Bando", kiu ĉi-foje prezentas la Kantokonkurson kunlabore kun https://tubaro.aperu.net/. Ni kore bonvenigas ĉiujn Esperantistojn el ĉiuj mondopartoj!

Tataaa! Jen la Rezulto de la Kanto-Konkurso de https://tubaro.aperu.net/ kaj de la Kantoparado per PollUnit inter la 7-a de novembro 2025 ĝis la 7-a de januaro 2026: 

Unue la Rezulto de la spektado per Tubaro: 

(Mezurado laŭ la algoritmo de Pablo Busto, kiu mezuris la nombron de spektoj, spektintoj, ŝatoj, komentoj, plusendado, ktp.)

Due la Rezulto per la voĉdonado ĉe PollUnit: 

Trie la Fina Rezulto laŭ la kombino de Tubaro kaj PollUnit: 

Tataaa! Jen nun la Fina Rezulto laŭ la kombino de Tubaro kaj PollUnit: 

Venkintoj de la Kanto-Konkurso:

Man-en-mane orienten - La Perdita Generacio

Gratulon!

Jen pliaj detaloj pri la mezurado ĉe Tubaro (sube malfermu la dosieron por pli bone legi ĝin):

Jen pliaj detaloj pri la voĉdonado per PollUnit:

Tiom da homoj voĉdonis entute (donis 1,2 aŭ 3 poentojn) por la kantoj:
tion vi vidas en la PollUnit-fotoj supre apud la poentoj (dekstre de ili). 

1. Entajpu "Kantoparado" en la serĉkampon
2. Alklaku la ŝaltilon "Pasintaj"
3. Alklaku la lupeon
4. Nun vi povas vidi ĉiujn Kantoparadojn kaj povas elekti tiun, kiun vi ŝatas rigardi
5. Malferminte la paĝon vi trovas ĉiujn ligilojn al la kantoj, la kantotekstojn kaj ankaŭ la rezulton de la voĉdonado

Jen la antaŭaj anoncoj kaj la ligiloj al la kantoj:

1. Muzikistoj estas petataj sendi al la Kantoparado unu sufiĉe novan kanton, kiu ne estas pli aĝa ol du jaroj, pli detale: ne estis publikigita antaŭ la 15-a de decembro 2023! Ĉiu muzikisto rajtas prezenti nur unu kanton. 
2. Rajtas partopreni nur mem komponitaj kantoj, kovro-kantoj (Cover-songs) kaj kantoj faritaj per AI ne rajtas partopreni!
3. Limdato por proponi tiun kanton estas la 1-a de novembro 2025! 
4. Muzikistoj sendu la ligilon al filmo, kiu prezentas la kanton, al hameln@esperanto.de .
5. Ni elkore dankas al la muzikistoj, kiuj sendis sufiĉe novan kanton por la konkurso! Kelkaj eĉ verkis novan kanton kaj eĉ filmeton! Ni tre ĝojas, ke partoprenas 32 muzikistoj el 14 diversaj landoj (Burundo, DR Kongo, Svedujo, Kolombio, Kipro, Italujo, Brazilo, Danujo, Belgujo, Francujo, Nederlando, Armenujo, Kubo kaj Germanujo).
6. La konkurso mem daŭros du monatojn, de la 7-a de novembro 2025 ĝis la 7-a de januaro 2026.
7. Oni invitas al la konkurso dum la prelego de Thomas Preece pri "Historio de 100 jaroj de muziko en Esperanto" dum la vendreda kunveno de la antverpena kaj londona kluboj la 7-an de novembro: https://eventaservo.org/e/3bc356 .
8. Dum la 56-a Kantoparado, la 12-an de novembro, la kantoj estas prezentitaj al la partoprenantoj de la Kantoparado.
9. Voĉdonado ĉi-foje okazas per 2 manieroj: 50% per spektado ĉe https://tubaro.aperu.net/ kaj 50% per voĉdonado per PollUnit. En la fino la tubara algoritmo donos 32 poentojn al la plej populara, 31 al la dua, 30 al la tria... kaj la venkinto de la kutima voĉdonado ricevos 32 poentojn, 31 la dua, 30 la tria... Kaj la fina rezulto estos A+B.
10. A: per spektado de la filmoj sur la paĝoj de  https://tubaro.aperu.net/ vi povas doni poentojn al la kantoj (nepre spektu en Tubaro kaj ne uzu la jutubajn ligilojn, por ke la spektadoj estu kalkulitaj!). Do, bonvolu plej ofte spektu dum tiuj du monatoj viajn plej ŝatatajn kantojn, ŝatu ilin kaj lasu komentojn ĉe la kantoj. Per algoritmoj ne nur estas kalkulataj la ofteco kaj daŭro de la spektado, sed ankaŭ la ŝatoj kaj la komentoj. Pri tiu sistemo okupiĝis kaj testis ĝin Pablo Busto de https://tubaro.aperu.net/ .
11. B: per voĉdonado per la paĝo de PollUnit, kies ligilon vi trovas sube. Entute vi havas 21 poentojn, kiujn vi rajtas kaj devas disdoni, kaj maksimume 3 poentojn al unu kanto vi rajtas doni! (Eblas doni 3 poentojn al sep kantoj aŭ eblas doni po 1 poento al 21 kantoj aŭ eblas ĉiu ebleco inter tiuj du ekstremoj.) Atentu: Vi rajtas voĉdoni nur unu fojon! - Rajtas partopreni nur, kiu aŭskultis ĉiujn kantojn kaj povas kompreni almenaŭ bazan Esperanton por iom konatiĝi kun la enhavo de la kantotekstoj. Vi disdonu ĉiujn de viaj 21 poentoj - ne plu validas la poentoj, se nur sole unu kanto estas donacita per eble tri poentoj. 
12. La mezuro de la spektadoj, ŝatoj kaj komentoj per https://tubaro.aperu.net/ kaj la voĉdonado per PollUnit rete daŭros de la 7-a de novembro 0-a horo ĝis la 7-a de januaro 23-a horo 59, por ke ankaŭ la partoprenantoj de la silvestraj kaj novjaraj eventoj havu eblecon ekscii kaj partopreni en ĝi > JES https://eventaservo.org/e/JES2025Burg, Luminesk' https://eventaservo.org/e/6131e5, NR https://eventaservo.org/e/d213ff, ktp.
13. La rezulton de la konkurso vi ekscios kaj ni prezentos ĝin dum la 58-a Kantoparado, la 14-an de januaro 2026 https://eventaservo.org/e/RB-14jan26-58a_Kantoparado .
14. Pablo klarigas la manieron por ricevi la rezulton:
    Ĉi foje, la konkurso estas mikso de nia mezuro de populareco ĉe Tubaro, kaj de la tradicia voĉdonado per PollUnit. ĝi fariĝos laŭ sekva maniero:
    La plej populara filmo dum la mezurota periodo ricevos 32 poentojn, la dua plej populara, 31 poentojn…
    Sekve okazos la voĉdonado per PollUnit, kun sama proceso, la plej voĉdonata kanto ricevos 32 poentojn, la dua 31, la tria ricevos 30 poentojn… kaze de egalpoentoj inter kelkaj kantoj, la poentoj inter afektitaj afiŝoj dividiĝos.
    Fine, poentoj de la tubara populareco kaj poentoj per voĉdonado ĉe PollUnit estos kunkalkulitaj. Tio signifas, ke maksimume, la venkonta afiŝo ricevus 64 poentojn.
    Kaze de egalpoentoj en la fina rezulto, nur la rezulto de PollUnit estos prioritata. 
15. La muzikistoj de la kantoj sur la unuaj tri rangoj ricevos premiojn donacitaj de Pablo Busto:
    1-a rango: 100 €
    2-a rango: 50 €
    3-a rango: 25 €
    La premioj estos transdonitaj en formo de Bitcoin-mono al la Bitcoin-konto de la ricevintoj.

Proponoj por la Kantokonkurso kaj la 56-a/Tubara Kantoparado je la 12.11.2025, ligiloj por aŭskulti la kantojn kaj por voĉdoni per la mezuro de la spekado per https://tubaro.aperu.net/ kaj per la paĝo de PollUnit:

Ligilo al la paĝo de PollUnit por voĉdoni de la 7-a de novembro 2025 ĝis la 7-a de januaro 2026:

1. Ĉiu mem rajtas proponi kanton, kiun li aŭ ŝi ŝatas. Sendu vian proponon sufiĉe frue al hameln@esperanto.de . Ni poste provas prezenti ĝin plej baldaŭ, eble vi iomete devas atendi ĝis iu alia de la sekvaj monatoj. 
2. Por havi pli varian programon, ĉiu proponinto kaj ankaŭ ĉiu muzikisto plejeble rajtas partopreni nur per unu kanto samtempe.

• Vi trovas detalojn pri la renkontiĝo ankaŭ en la kalendaro de la grupo  https://www.esperanto.de/de/enhavo/hameln/kalender aŭ ĉe https://eventaservo.org/o/RB_Hameln. 
•  Se vi ŝatas ricevi regulajn anoncojn antaŭ niaj kunvenoj per retpoŝto, bonvolu skribi al  hameln@esperanto.de  kaj ni enmetos vian retpoŝtadreson en la dissendoliston.