Kunveno de la loka grupo "La Ratkaptista Bando". Ni kore bonvenigas ĉiujn Esperantistojn el ĉiuj mondopartoj!

Tataaa! Jen la Rezulto post la merkreda voĉdonado en la Zoom-ĉambro kaj la voĉdonado en la reto per PollUnit de la 28-a de marto ĝis la 8-a de aprilo:

Denove estis bela vespero dum la kunveno en la Zoom-ĉambro merkredon vespere dum la 61-a Kantoparado.
Dum la reta voĉdonado kelkfoje ŝanĝiĝis la kantoj sur la unuaj rangoj. Kaj kiel vi povas vidi, ne estas granda distanco inter la kantoj de la 1-a ĝis 7-a rangoj. Sed ankaŭ la aliaj du kantoj ja ricevis poentojn kaj estas ŝatataj. Gratulon al ĉiuj kantoj, kiuj partoprenis la Kantoparadon!
Ankaŭ post la prezento de la rezulto ni ankoraŭ havis belan vesperon kaj bone babilis. Kaj denove Oĉjo per sia gitaro ludis kaj kantis por ni kantojn, ĉi-foje lulkantojn. Partoprenis ja ankaŭ lia eta filino, same kiel la filineto de Ĵenja. Sed kiam la lulkantoj efikis ĉe ili, ni ne scias. 😉

Ĉeestis la Zoom-kunvenon 48 homoj el 15 diversaj landoj (Pollando, Svedujo, Francujo, Brazilo, Ukrainujo, Slovakujo, Usono, Kroatujo, Litovujo, Hungarujo, Bulgarujo, Rusujo, DR Kongo, Belgujo kaj Germanujo). Inter ili estis grupo da partoprenantoj de PRINTEMPE en Wiesbaden (ĉirkaŭ 20 homoj), kiuj per projekciilo spektis kaj aŭskultis la kantoparadon en salono en Wiesbaden kune. Duono de ili ankaŭ poste voĉdonis. Koran dankon, ke vi ĉiuj ĉeestis. Voĉdonis en la fino 17 homoj (+9 voĉdonis rete jam antaŭe, 22 ne voĉdonis).
Jam antaŭe dum 12 tagoj eblis aŭskulti la kantojn rete kaj ankaŭ jam eblis voĉdoni. Entute 29 homoj voĉdonis jam antaŭe. Krom la landoj de tiuj, kiuj ĉeestis la Zoom-kunvenon, la retaj voĉdonantoj venis ankaŭ el Armenujo, Hispanujo, Aŭstralio, Danujo, Italujo kaj Irlando.

Do: Entute partoprenis 68 homoj el 21 diversaj landoj.
48 ĉeestis la Zoom-kunvenon, 17 voĉdonis dum la kunveno, 22 ne voĉdonis, 9 ĉeestintoj voĉdonis jam antaŭe rete; 20 aliaj, kiuj ne povis partopreni la Zoom-kunvenon, voĉdonis ankaŭ jam antaŭe rete.
Voĉdonis en la fino 46 homoj.  Koran dankon, ke vi ĉiuj partoprenis.
Gratulon kaj apartan dankon al la proponintoj de la kantoj, al la kantistoj, muzikistoj, verkistoj, tradukistoj de la tekstoj, filmistoj kaj muntistoj de la jutubaj filmoj, ktp.!

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/el2drjujoy89u5t4n_oxha kaj
https://pollunit.com/de/polls/el2drjujoy89u5t4n_oxha/evaluations

Eliras la eŭska al sun' - Marcella Fasani 

Tiom da homoj voĉdonis entute (donis 1,2,3 aŭ 4 poentojn) por la kantoj:
29 por:   La senco de vivado - Lucio Avitabile
27 por:   Eliras la eŭska al sun' - Marcella Fasani
27 por:   Kial - ĴeLe
24 por:   Mozaiko - Kjara
23 por:   Velo de Espero - Meri Tiratsuyan
23 por:   Pluvas kaj pluvas kaj pluvas - Conny II
20 por:   Lingvo de paco - Amo Simon
8 por:   Alaŭdo - Elena Abramova
7 por:   Faduo pri l' avareco - Krysztof Daletzki

Por spekti la kantojn de la aliaj pasintaj Kantoparadoj vi povas uzi la serĉkampon de Eventa Servo:

1. Entajpu "Kantoparado" en la serĉkampon
2. Alklaku la ŝaltilon "Pasintaj"
3. Alklaku la lupeon
4. Nun vi povas vidi ĉiujn Kantoparadojn kaj povas elekti tiun, kiun vi ŝatas rigardi
5. Malferminte la paĝon vi trovas ĉiujn ligilojn al la kantoj, la kantotekstojn kaj ankaŭ la rezulton de la voĉdonado

Jen la antaŭaj anoncoj kaj la ligiloj al la kantoj:

1. Jam ekde la 28-a de marto vi trovos la ligilojn al la kantoj kaj la ligilon al la paĝo de PollUnit por voĉdoni sur tiu ĉi paĝo de Eventa Servo. Kaj vi ekde tiam havos tempon por aŭskulti la kantojn trankvile kaj ankaŭ jam povos voĉdoni.
2. Dum la merkredvespera Zoom-kunveno la 8-an de aprilo, kiam ankaŭ la proponintoj de la kantoj, eble ankaŭ la muzikistoj aŭ tekstverkistoj mem povas ion aldoni pri siaj kantoj, ni prezentos ĉiujn kantojn kaj la Resuman Filmon kaj fine povos voĉdoni tiuj, kiuj ankoraŭ ne faris tion. 
3. Post tiu voĉdonado vi ekscios la rezulton, kaj vi ekscios, kiu estos nun la Kanto de Aprilo!
4. Entute vi havas 7 poentojn, kiujn vi rajtas kaj devas disdoni, kaj maksimume 3 poentojn al unu kanto vi rajtas doni! (ekzemple 3-3-1, 3-2-2, 2-2-2-1, ....., 1-1-1-1-1-1-1)
5. Atentu: Vi rajtas voĉdoni nur unu fojon! - Rajtas partopreni nur, kiu aŭskultis ĉiujn kantojn kaj povas kompreni almenaŭ bazan Esperanton por iom konatiĝi kun la enhavo de la kantotekstoj. Vi disdonu ĉiujn de viaj sep poentoj - ne plu validas la poentoj, se nur sole unu kanto estas donacita per eble tri poentoj. 

Proponoj por la 61-a Kanto-Parado je la 08.04.2026, ligiloj por aŭskulti la kantojn:

Resuma Filmo de 61-a Kantoparado:

Ligilo al la paĝo de PollUnit por voĉdoni ĝis la fino de la Zoom-kunveno merkredon vespere:

1.  La partoprenantoj de la merkreda Zoom-kunveno tuj post la de la voĉdonado ekscios la rezulton.
2. Ĵaŭdon post la Kantoparado ankaŭ aliaj iam dum la tago povos legi la rezulton en la kalendaro de Eventa Servo sur la paĝo de tiu ĉi Kantoparado. 
3. Krome ni dissendos la rezulton retpoŝte per la retpoŝtadreso, kiun vi aldonis dum la voĉdonado kaj per nia dissendolisto, se via nomo enestas. 

1. Ĉiu mem rajtas proponi kanton, kiun li aŭ ŝi ŝatas. Sendu vian proponon sufiĉe frue al hameln@esperanto.de . Ni poste provas prezenti ĝin plej baldaŭ, eble vi iomete devas atendi ĝis iu alia de la sekvaj monatoj. 
2. Por havi pli varian programon, ĉiu proponinto kaj ankaŭ ĉiu muzikisto plejeble rajtas partopreni nur per unu kanto samtempe.

• Vi trovas detalojn pri la renkontiĝo ankaŭ en la kalendaro de la grupo  https://www.esperanto.de/de/enhavo/hameln/kalender aŭ ĉe https://eventaservo.org/o/RB_Hameln. 
•  Se vi ŝatas ricevi regulajn anoncojn antaŭ niaj kunvenoj per retpoŝto, bonvolu skribi al  hameln@esperanto.de  kaj ni enmetos vian retpoŝtadreson en la dissendoliston.