Kunveno de la loka grupo "La Ratkaptista Bando". Ni kore bonvenigas ĉiujn Esperantistojn el ĉiuj mondopartoj!

Tataaa! Jen la Rezulto post la merkreda voĉdonado en la Zoom-ĉambro kaj la voĉdonado en la reto per PollUnit de la 31-a de junio ĝis la 10-a de junio:

Denove estis bela vespero dum la kunveno en la Zoom-ĉambro merkredon vespere dum la 62-a Kantoparado. Ĉeestis ankaŭ kvar partoprenantoj de la nuna reta kurso, kiuj ŝatis prezenti siajn kantoproponojn, kiujn ili jam prezentis en la kurso dum la "Defio de 30 tagoj". Ankaŭ al ili poste tre plaĉis la vespero.
Dum la reta voĉdonado kelkfoje kantoj ŝanĝis la rangojn, iris supren aŭ denove malsupren. Sed la unuaj tri kantoj tre baldaŭ kristaliĝis kiel favoritoj. Bedaŭrinde ankaŭ post la prezentado ankoraŭ estis malgranda ŝanĝo de la rangoj inter la unuaj tri kantoj, kaj dum la prezentado de la kantoj ankoraŭ iu en la reto aldonis siajn voĉojn kaj krome post posta kontrolado evidentiĝis, ke du partoprenantoj dufoje aldonis siajn poentojn, unufoje jam antaŭe en la reto kaj la duan fojon ankaŭ al mi persone sendis siajn poentojn, kiujn mi aldonis. Kompreneble tiujn duoblajn voĉdojn mi devis poste ja forigi de la rezulto. Pro tio la eta ŝanĝo. Kaj vere ja ĉiuj tri kuŝas unu apud la aliaj kun malgranda diferenco. Sed ankaŭ la aliaj kantoj sekvas kun sufiĉe multaj poentoj kaj estis tre ŝatataj. Gratulon al ĉiuj kantoj, kiuj partoprenis la Kantoparadon! 
Ankaŭ post la prezento de la rezulto ni ankoraŭ havis belan vesperon kaj bone babilis. Estis vere bona kaj amikema etoso kaj kelkaj novuloj tre ĝojis revidi amikojn, kiujn ili longe ne vidis. Kaj denove Oĉjo per sia gitaro ludis kaj kantis por ni du kantojn, unu en iom pli rapida ritmo, ol ni jam aŭskultis dum la prezentado. Sed ĝi tre plaĉis al ni. Nun ni devas iom atendi dum la somera paŭzo, sed ni ja ĉiuj antaŭĝojas la venontan Kantoparadon, kiu okazos en septembro.

Ĉeestis la Zoom-kunvenon 46 homoj el 11 diversaj landoj (Rusujo, Kroatujo, Hungarujo, Svislando, Litovujo, Usono, Belgujo, Ukrainujo, Bulgarujo, Francujo kaj Germanujo). Voĉdonis en la fino 14 homoj (+7 voĉdonis rete jam antaŭe, 3 ne voĉdonis).
Jam antaŭe dum 11 tagoj eblis aŭskulti la kantojn rete kaj ankaŭ jam eblis voĉdoni. Entute 22 homoj voĉdonis jam antaŭe. Krom la landoj de tiuj, kiuj ĉeestis la Zoom-kunvenon, la retaj voĉdonantoj venis ankaŭ el Pollando, Aŭstralio, Slovakujo, DR Kongo kaj Armenujo.

Do: Entute partoprenis 46 homoj el 16 diversaj landoj.
24 ĉeestis la Zoom-kunvenon, 14 voĉdonis dum la kunveno, 3 ne voĉdonis, 7 ĉeestintoj voĉdonis jam antaŭe rete; 22 aliaj, kiuj ne povis partopreni la Zoom-kunvenon, voĉdonis ankaŭ jam antaŭe rete.
Voĉdonis en la fino 43 homoj.  Koran dankon, ke vi ĉiuj partoprenis.
Gratulon kaj apartan dankon al la proponintoj de la kantoj, al la kantistoj, muzikistoj, verkistoj, tradukistoj de la tekstoj, filmistoj kaj muntistoj de la jutubaj filmoj, ktp.!

Rezultoj kaj statistikoj de la voĉdonado estas videblaj ĉi tie:
https://pollunit.com/eo/polls/gKSEHJHNsbLnLCVmTfczRw kaj
https://pollunit.com/eo/polls/gKSEHJHNsbLnLCVmTfczRw/evaluations

Venkintoj post la voĉdonado (43 voĉdonantoj) kaj venontan fojon denove ĉeestos:

Vi kaj Mi - Ĵomart kaj Nataŝa 

Tiom da homoj voĉdonis entute (donis 1,2 aŭ 3 poentojn) por la kantoj:
27 por:   Vi kaj Mi - Ĵomart kaj Nataŝa
27 por:   La balancilo - Kajto
26 por:   Rimarku min - Kaŝi
24 por:   La senco de vivado - Lucio Avitabile
22 por:   Dankon - Jonny M
21 por:   La vespera vento - Armel Amiot
18 por:   Berlino sen vi - inicialoj dc
16 por:   Kial - ĴeLe
11 por:   Eliras la eŭska al sun' - Marcella Fasani

Por spekti la kantojn de la aliaj pasintaj Kantoparadoj vi povas uzi la serĉkampon de Eventa Servo:

1. Entajpu "Kantoparado" en la serĉkampon
2. Alklaku la ŝaltilon "Pasintaj"
3. Alklaku la lupeon
4. Nun vi povas vidi ĉiujn Kantoparadojn kaj povas elekti tiun, kiun vi ŝatas rigardi
5. Malferminte la paĝon vi trovas ĉiujn ligilojn al la kantoj, la kantotekstojn kaj ankaŭ la rezulton de la voĉdonado

Jen la antaŭaj anoncoj kaj la ligiloj al la kantoj:

1. Jam ekde la 31-a de majo vi trovos la ligilojn al la kantoj kaj la ligilon al la paĝo de PollUnit por voĉdoni sur tiu ĉi paĝo de Eventa Servo. Kaj vi ekde tiam havos tempon por aŭskulti la kantojn trankvile kaj ankaŭ jam povos voĉdoni.
2. Dum la merkredvespera Zoom-kunveno la 10-an de junio, kiam ankaŭ la proponintoj de la kantoj, eble ankaŭ la muzikistoj aŭ tekstverkistoj mem povas ion aldoni pri siaj kantoj, ni prezentos ĉiujn kantojn kaj la Resuman Filmon kaj fine povos voĉdoni tiuj, kiuj ankoraŭ ne faris tion. 
3. Post tiu voĉdonado vi ekscios la rezulton, kaj vi ekscios, kiu estos nun la kanto de junio!
4. Entute vi havas 7 poentojn, kiujn vi rajtas kaj devas disdoni, kaj maksimume 3 poentojn al unu kanto vi rajtas doni! (ekzemple 3-3-1, 3-2-2, 2-2-2-1, ....., 1-1-1-1-1-1-1)
5. Atentu: Vi rajtas voĉdoni nur unu fojon! - Rajtas partopreni nur, kiu aŭskultis ĉiujn kantojn kaj povas kompreni almenaŭ bazan Esperanton por iom konatiĝi kun la enhavo de la kantotekstoj. Vi disdonu ĉiujn de viaj sep poentoj - ne plu validas la poentoj, se nur sole unu kanto estas donacita per eble tri poentoj. 

Proponoj por la 62-a Kanto-Parado je la 10.06.2026, ligiloj por aŭskulti la kantojn:

Resuma Filmo de 62-a Kantoparado:

Ligilo al la paĝo de PollUnit por voĉdoni ĝis la fino de la Zoom-kunveno merkredon vespere:

1.  La partoprenantoj de la merkreda Zoom-kunveno tuj post la de la voĉdonado ekscios la rezulton.
2. Ĵaŭdon post la Kantoparado ankaŭ aliaj iam dum la tago povos legi la rezulton en la kalendaro de Eventa Servo sur la paĝo de tiu ĉi Kantoparado. 
3. Krome ni dissendos la rezulton retpoŝte per la retpoŝtadreso, kiun vi aldonis dum la voĉdonado kaj per nia dissendolisto, se via nomo enestas. 

1. Ĉiu mem rajtas proponi kanton, kiun li aŭ ŝi ŝatas. Sendu vian proponon sufiĉe frue al hameln@esperanto.de . Ni poste provas prezenti ĝin plej baldaŭ, eble vi iomete devas atendi ĝis iu alia de la sekvaj monatoj. 
2. Por havi pli varian programon, ĉiu proponinto kaj ankaŭ ĉiu muzikisto plejeble rajtas partopreni nur per unu kanto samtempe.

• Vi trovas detalojn pri la renkontiĝo ankaŭ en la kalendaro de la grupo  https://www.esperanto.de/de/enhavo/hameln/kalender aŭ ĉe https://eventaservo.org/o/RB_Hameln. 
•  Se vi ŝatas ricevi regulajn anoncojn antaŭ niaj kunvenoj per retpoŝto, bonvolu skribi al  hameln@esperanto.de  kaj ni enmetos vian retpoŝtadreson en la dissendoliston.