IKUE-akademio estas eduka iniciato lanĉita de IKUE kies celo estas profundigi la konon kaj komprenon de la instruo de la Katolika Eklezio, de la eklezia historio kaj de la kristana spiriteco.
IKUE-akademio proponos prelegojn kaj diskutojn, kiuj celas serĉi respondojn al aktualaj demandoj en la lumo de la Katolika sociala doktrino. La programoj estas destinitaj unuavice al IKUE-anoj, sed estos malfermitaj al ĉiuj kiuj deziras maturigi sian kredon, plivastigi sian horizonton kaj konscie partopreni en la vivo de la Eklezio.
 La iniciato celas kontribui al la tutviva edukado. La programoj estas organizita en cikloj, kiuj ebligas sisteman kaj laŭpaŝan alproksimiĝon al la traktataj temoj. Ĉiu ciklo konsistos el serio da prelegoj.

Ciklo Dua Vatikana Koncilio: la 3-a sabato de la monato (krom aŭgusto) per ZOOM je la 15-a horo laŭ UTK, bv. kontroli vian lokan tempon)

Se vi havas, intereson, bv. aliĝi: https://mallonge.net/ikueakademio2