Lucien Péraire estis vere heroa pioniro de la Esperanto-movado.
Per biciklo li vojaĝis ĝis orienta Azio, kaj survoje unuflanke Esperanto helpis al li, aliflanke li disvastigis la lingvon. La Esperanto-klubo de la universitato de Hanojo en Vjetnamujo ĝis nun portas lian nomon.
La urbeto Lavardac honorigos Lucien per solena inaŭguro de memortabulo sur lia naskodomo. Ĉeestos ankaŭ tiuj Esperantistoj, kiuj de jaroj laboregas por dece konservi la memoron de Lucien, kaj kelkaj liaj parencoj.
Ĉeestu ankaŭ vi! Ni montru, ke ni tamen ne estas tiom malmultaj, kiom iuj kredas.
Por pliaj informoj, kontaktu fred.peraire@gmail.com (franclingve) aŭ bemi-estraro@tejo.org (esperantlingve).