« Balkanion oni iam nomis "Pulvujo de Eŭropo ».

Ja de tie venis la fajrero kiu eksplodigis la Unuan Mondmiliton! 
Kaj eĉ ne pasis unu generacio depost la lastaj Balkanaj militoj...
Sed estante greko, Angelos parolos pli pri sia propra lando. Ĉu vere estas danĝero de milito enplektonta Greklandon?  Kiel statas la disputo kun Makedonio pri la nomo? Ĉu io pli profunda kaŝiĝas malantaŭ tiu ŝajna stultaĵo? Kai pli grave, kion faras nun Turkio? Ĉu la grandpotencoj povas bridi ĝiajn ambiciojn? Kio okazis/as/os kun Kipro? Ĉu sana prudento ne povas sekurigi pacon?
La prelegonto ne estas fakulo pri politiko aŭ diplomatio -- nur homo el la regiono, certagrade ŝirmita kontraŭ la danĝeroj ĉar ĉefe loĝanta en paca Belgio kaj sekve eble kapabla rigardi la okazaĵojn iom pli senpartie, sed tamen maltrankviliĝanta...»

-------------------------------------------------

je la 18a30 en la Kultura Centro De Pianofabriek, rue du Fort 35 Fortstraat, 1060 Bruselo 
ĉe la 2a etaĝo. 

NB : Ne ĉiam eblas sekvi la ĝustan alternon inter la paroligaj vesperoj kaj la prelegoj.