Suzanne Roy, el Kebekio, haltos en Hérouville-Saint-Clair kadre de sia prelegvojaĝo en Francio. Ŝi prelegos pri kiel oni parolas la francan en Kebekio kaj pri la lingva situacio en sia Provinco. Ŝi intervenos en la urba biblioteko kun kiu ni kunlaboras por tiu kultura evento. Intervenos ankaù preleganto pri historio de la normandanoj kiuj ekmigris al Kanado ekde la 17a jarcento. Venos ankaù artistoj kiuj kebeke kantos kaj loka asocio pri Kebekio preparos tipajn manĝaĵojn.