BEMI-ekskursoj venas al orienta Germanujo!
Post bona sukceso en Belgio, Svislando kaj Malsupra Saksujo, BEMI etendas sian programon de facilaj unutagaj biciklaj ekskursoj al pliaj regionoj.
En sabato, la 13-a de majo 2023, je 13:00 tagmeze, ni renkontiĝos ĉe la stacidomo Berlin-Spandau, antaŭ la elirejo vidalvide de la urbodomo Spandau.
Ĉiuj homoj, kiuj ŝatas bicikli, estas bonvenaj - eĉ ne-esperantistoj, se ili akceptas, ke ni tamen parolos Esperanton.
Kunportu trinkaĵon kaj manĝetaĵon por komuna pikniko.
Ne estas kotizo. Eventualajn elspezojn por pramŝipo aŭ kafejo ĉiu pagas mem.
Vi ne devas aliĝi, tamen utilas al la organizantoj se vi esprimas vian intencon partopreni, aŭ per Eventa Servo (alklaku 'Mi interesiĝas'), aŭ per retpoŝto al Jessica Grasso <jegrasso@gmail.com>.
Ni preparis amuzan ludon kiu postulas kunlaboron de du biciklaj teamoj.
La evento okazos je ajna vetero.