Biciklu en Esperanto-etoso ĝis la Internacia Junulara Kongreso en Tiana, Katalunujo.
La karavano taŭgas por biciklemaj homoj de ĉiu aĝo.
Vi ne bezonas esti aparte sportema, ĉar la tagaj etapoj estos ne longaj, nur po ĉ. 60-70 km, kaj ni havos po unu paŭzotagon semajne.
Eblas ankaŭ bicikli nur parte, aliĝante al la karavano survoje laŭ la itinero. Tiu kondukos nin el Duisburg tra Neuss, Euskirchen, Nettersheim, Bitburg, Trier, Schengen, Metz, Nancy, Épinal, Gray, Mâcon, Lyon, Valence, Montélimar, Avignon, La Grande-Motte, Sète, Narbonne, Le Perthus, Figueres, Girona kaj Montornès ĝis la celo en Tiana.