BEMI proponas biciklan karavanon por la IJK 2025.

La itinero estas planita, sed malfacilas akurate plani tiom longdaŭran vojaĝon. 
Ĝi evoluos laŭ la problemoj okazontaj survoje.
Se vi volas aliĝi kaj kunbicikli parton (aŭ tuton) de la vojo, kontaktu nin plej frue por ke ni povu renkontiĝi ie laŭ la itinero.

Vi trovos alkroĉitan bildon kun la planita itinero kaj alian bildon kun la tempoplano. Ankaŭ elŝuteblas la GPX-dosiero.
La celo estas starti el Francujo frue en la jaro kaj atingi Ĝakarton en Indonezio la 8-an de aŭgusto por la IJK. Se la karavananoj malfruas laŭ la planita tempo, ni rajtigos nin uzi ian ajn veturilon (kun la bicikloj).

Se vi havas demandojn, proponon aŭ volas anonci vian partoprenon, skribu al <bemi-estraro@tejo.org>