La kongreso/somerkursaro okazos “hibride”:
• Fizike ĉe Esperanto-Domo, Sidnejo (143 Lawson St, Redfern NSW, Aŭstralio), kaj
• Rete, per Zoom

Ĝi komenciĝos vendredon, 7an de januaro (vespere) kaj daŭros – kaj fizike kaj virtuale – ĝis merkredo, 12an de januaro (vespere).
Ĵaŭdon, 13an de januaro okazos ekskurso al Muzeo de Nuntempa Arto kaj Manly (per pramo). (Tiu parto NE havos virtualan komponanton.)

Estos du niveloj de formalaj klasoj (kun instruistoj) dum la matenoj:
1. Post-komencanta: Ne por tut-komencantoj, sed por tiuj, kiuj jam lernis almenaŭ bazajn aferojn de Esperanto.
2. Progresanta: Kurso pri eblaj malfacilaĵoj de Esperanta gramatiko.
Por tiuj, kiuj preferas ne partopreni formalan kurson, okazos ĉiutaga sesio, kun “temo de la tago” por diskuti. Nova faciliganto gvidos la diskuton ĉiun tagon.

Ĉiu ekster-sidneja kongresano devos organizi sian propran tranoktadon. (Tamen, AEA intencas publikigi liston de rekomendataj lokoj antaŭ Decembro.)

Membroj de AEA aŭ NZEA: senpaga (tamen bonvole konsideru kontribui per donaco)
Ne-membroj: rekomendita donaco de AUD 75,00 por la tuta kongreso, aŭ po AUD 20,00 tage

Pli da informo, kaj reta mendilo, ĉe:
esperanto.org.au/eo/pri-ni/kongreso

Esperanto-Domo, Sidnejo