Imagu la mondon en kiu ĉiu homo povas libere partopreni en tuto de homara sciaro per Esperanto. Tian mondon ni kreas!

Vikipedio kaj ĝiaj frataj projektoj havas grandan ambicion pri helpo al homaro “demokratiigi” edukadon. Scioj, kiuj pasintece estis ŝlositaj en libroj kaj malantaŭ pagmuroj, nun estas liberigataj por ĉies avantaĝo. Tiun laboron faras homoj kiel vi kaj mi – ne nepre universitataj profesoroj, sed praktikaj spertuloj pri sia fako aŭ intereskampo. Tiujn homojn (redaktantojn de Vikipedio kaj ties frataj projektoj) aldone subtenas nia organizo – Esperanto kaj Libera Scio – per diversaj kampanjoj, konkursoj, trejnadoj ks.

Venu por ekscii kiel ni laboras kaj kiel ankaŭ vi aŭ via organizo (eble kun nur etaj modifoj de agado) povas plibonigi la plej elstaran enciklopedion en Esperanto!