Kunveno de la loka grupo "La Ratkaptista Bando". Ni kore bonvenigas ĉiujn Esperantistojn el ĉiuj mondopartoj!

Tataaa! Jen la Rezulto post la merkreda voĉdonado en la Zoom-ĉambro kaj la voĉdonado en la reto per PollUnit de la 28-a de februaro ĝis la 11-a de marto:

Denove estis bela vespero dum la kunveno en la Zoom-ĉambro merkredon vespere dum la 60-a Kantoparado.
En la komenco ni eĉ provis kanti naskiĝtagan kanton por nia gasto Neil el Usono, kiu dum sia naskiĝtago ankaŭ honoris nin almenaŭ parte ĉeesti la Kantoparadon. Dum la antaŭa reta voĉdonado evidentiĝis, ke la kanto "La insul' de mia revo" sufiĉe rapide atingis la pinton kun la poentoj de la retaj voĉdonintoj kaj ĝis la Zoom-kunveno estis tie. Sed aliaj kantoj sekvis kaj evidentiĝis, ke aliaj kantoj ricevis iom pli da poentoj, ke tiu kanto ne plu povis resti inter la unuaj tri rangoj (kvankam certe ja ankaŭ meritis tion). Sed preskaŭ ĉiuj kantoj ja ricevis sufiĉe multe da poentoj. Gratulon al ĉiuj kantoj, kiuj partoprenis la Kantoparadon!
Ankaŭ post la prezento de la rezulto ni ankoraŭ havis belan vesperon en preskaŭ familia etoso kaj bone babilis. Kaj denove Oĉjo per sia gitaro ludis kaj kantis por ni kantojn.

Ĉeestis la Zoom-kunvenon 27 homoj el 13 diversaj landoj (Ukrainujo, Usono, Pollando, Benino, Francujo, Hungarujo, Svislando, Unuiĝintaj Arabaj Emirlandoj, Bulgarujo, Kroatujo, Litovujo, Rusujo kaj Germanujo). Koran dankon, ke vi ĉiuj ĉeestis. Voĉdonis en la fino 9 homoj (+9 voĉdonis rete jam antaŭe, 9 ne voĉdonis).
Jam antaŭe dum 12 tagoj eblis aŭskulti la kantojn rete kaj ankaŭ jam eblis voĉdoni. Entute 24 homoj voĉdonis jam antaŭe. Krom la landoj de tiuj, kiuj ĉeestis la Zoom-kunvenon, la retaj voĉdonantoj venis ankaŭ el Armenujo, DR Kongo, Hispanujo, Danujo, Svedujo, Belgujo, Nederlando kaj Albanujo.

Do: Entute partoprenis 51 homoj el 21 diversaj landoj.
27 ĉeestis la Zoom-kunvenon, 9 voĉdonis dum la kunveno, 9 ne voĉdonis, 9 ĉeestintoj voĉdonis jam antaŭe rete; 24 aliaj, kiuj ne povis partopreni la Zoom-kunvenon, voĉdonis ankaŭ jam antaŭe rete.
Voĉdonis en la fino 42 homoj.  Koran dankon, ke vi ĉiuj partoprenis.
Gratulon kaj apartan dankon al la proponintoj de la kantoj, al la kantistoj, muzikistoj, verkistoj, tradukistoj de la tekstoj, filmistoj kaj muntistoj de la jutubaj filmoj, ktp.!

 Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/bitlqcnj1ns7usyawne1ka kaj
https://pollunit.com/de/polls/bitlqcnj1ns7usyawne1ka/evaluations

Je l' unua la naskiĝ' - Kaj Tiel Plu 

🥉 Bronza medalo, 3-a rango kun 39 poentoj:    Man-en-mane orienten - La Perdita Generacio

1. Entajpu "Kantoparado" en la serĉkampon
2. Alklaku la ŝaltilon "Pasintaj"
3. Alklaku la lupeon
4. Nun vi povas vidi ĉiujn Kantoparadojn kaj povas elekti tiun, kiun vi ŝatas rigardi
5. Malferminte la paĝon vi trovas ĉiujn ligilojn al la kantoj, la kantotekstojn kaj ankaŭ la rezulton de la voĉdonado

Jen la antaŭaj anoncoj kaj la ligiloj al la kantoj:

1. Jam ekde la 28-a de februaro vi trovos la ligilojn al la kantoj kaj la ligilon al la paĝo de PollUnit por voĉdoni sur tiu ĉi paĝo de Eventa Servo. Kaj vi ekde tiam havos tempon por aŭskulti la kantojn trankvile kaj ankaŭ jam povos voĉdoni.
2. Dum la merkredvespera Zoom-kunveno la 11-an de marto, kiam ankaŭ la proponintoj de la kantoj, eble ankaŭ la muzikistoj aŭ tekstverkistoj mem povas ion aldoni pri siaj kantoj, ni prezentos ĉiujn kantojn kaj la Resuman Filmon kaj fine povos voĉdoni tiuj, kiuj ankoraŭ ne faris tion. 
3. Post tiu voĉdonado vi ekscios la rezulton, kaj vi ekscios, kiu estos nun la Kanto de Marto!
4. Entute vi havas 7 poentojn, kiujn vi rajtas kaj devas disdoni, kaj maksimume 3 poentojn al unu kanto vi rajtas doni! (ekzemple 3-3-1, 3-2-2, 2-2-2-1, ....., 1-1-1-1-1-1-1)
5. Atentu: Vi rajtas voĉdoni nur unu fojon! - Rajtas partopreni nur, kiu aŭskultis ĉiujn kantojn kaj povas kompreni almenaŭ bazan Esperanton por iom konatiĝi kun la enhavo de la kantotekstoj. Vi disdonu ĉiujn de viaj sep poentoj - ne plu validas la poentoj, se nur sole unu kanto estas donacita per eble tri poentoj. 

Proponoj por la 60-a Kanto-Parado je la 11.03.2026, ligiloj por aŭskulti la kantojn:

Resuma Filmo de 60-a Kantoparado:

Ligilo al la paĝo de PollUnit por voĉdoni ĝis la fino de la Zoom-kunveno merkredon vespere:

1.  La partoprenantoj de la merkreda Zoom-kunveno tuj post la de la voĉdonado ekscios la rezulton.
2. Ĵaŭdon post la Kantoparado ankaŭ aliaj iam dum la tago povos legi la rezulton en la kalendaro de Eventa Servo sur la paĝo de tiu ĉi Kantoparado. 
3. Krome ni dissendos la rezulton retpoŝte per la retpoŝtadreso, kiun vi aldonis dum la voĉdonado kaj per nia dissendolisto, se via nomo enestas. 

1. Ĉiu mem rajtas proponi kanton, kiun li aŭ ŝi ŝatas. Sendu vian proponon sufiĉe frue al hameln@esperanto.de . Ni poste provas prezenti ĝin plej baldaŭ, eble vi iomete devas atendi ĝis iu alia de la sekvaj monatoj. 
2. Por havi pli varian programon, ĉiu proponinto kaj ankaŭ ĉiu muzikisto plejeble rajtas partopreni nur per unu kanto samtempe.

• Vi trovas detalojn pri la renkontiĝo ankaŭ en la kalendaro de la grupo  https://www.esperanto.de/de/enhavo/hameln/kalender aŭ ĉe https://eventaservo.org/o/RB_Hameln. 
•  Se vi ŝatas ricevi regulajn anoncojn antaŭ niaj kunvenoj per retpoŝto, bonvolu skribi al  hameln@esperanto.de  kaj ni enmetos vian retpoŝtadreson en la dissendoliston.