Kluba kunveno de la loka grupo "La Ratkaptista Bando". Ni kore bonvenigas ĉiujn Esperantistojn el ĉiuj mondopartoj!

Detala programo:
11.06.2025:     20.00 horo virtuala kunveno per Zoom:     
53-a Kantoparado - voĉdonu por la kanto de la monato junio!

1.  Jam ekde la 31-a de majo vi trovos la ligilojn al la kantoj kaj la ligilon al la paĝo de PollUnit por voĉdoni sur tiu ĉi paĝo de Eventa Servo. Kaj vi ekde tiam havos tempon por aŭskulti la kantojn trankvile kaj ankaŭ jam povos voĉdoni.
2. Dum la merkredvespera Zoom-kunveno la 11-an de junio, kiam ankaŭ la proponintoj de la kantoj, eble ankaŭ la muzikistoj aŭ tekstverkistoj mem povas ion aldoni pri siaj kantoj, ni prezentos ĉiujn kantojn kaj la Resuman Filmon kaj fine povos voĉdoni tiuj, kiuj ankoraŭ ne faris tion. 
3. Post tiu voĉdonado vi ekscios la rezulton, kaj vi ekscios, kiu estos nun la Kanto de la monato junio!
4. Entute vi havas 7 poentojn, kiujn vi rajtas kaj devas disdoni, kaj maksimume 4 poentojn al unu kanto vi rajtas doni! (Eblas doni 4 poentojn al unu kanto kaj al alia kanto 3 poentojn aŭ eblas doni po 1 poento al 7 kantoj aŭ eblas ĉiu ebleco inter tiuj du ekstremoj.)
5. Atentu: Vi rajtas voĉdoni nur unu fojon! - Rajtas partopreni nur, kiu aŭskultis ĉiujn kantojn kaj povas kompreni almenaŭ bazan Esperanton por iom konatiĝi kun la enhavo de la kantotekstoj. Vi disdonu ĉiujn de viaj sep poentoj - ne plu validas la poentoj, se nur sole unu kanto estas donacita per eble kvar poentoj. 

Proponoj por la 53-a Kanto-Parado je la 11.06.2025, ligiloj por aŭskulti la kantojn:

Resuma Filmo de 53-a Kantoparado:

Ligilo al la paĝo de PollUnit por voĉdoni ĝis merkredo (fine de la Zoom-kunveno):

Denove estis bela vespero dum la kunveno en la Zoom-ĉambro merkredon vespere dum la 53-a Kantoparado. La kantoj sur la unuaj tri rangoj post la reta voĉdonado preskaŭ sampoente estis ĉe la pinto, la kantoj sur rangoj 4-6 proksime malantaŭ ili. Nur post la voĉdonado post la Zoom-kunveno estis videbla tiu ĉi rezulto. 
Ĉi-foje kvar komencintoj el mia kurso por komencantoj, kiu nun baldaŭ finiĝos, ŝatis proponi po unu kanto. Kaj ili ja vere elektis tre belajn kantojn, laŭ la rezulto. Kaj dum la babilado post la oficiala fino ili ricevis ankaŭ grandan laŭdon pro iliaj belaj prezentadoj kaj preparadoj, kion ili ŝatis diri al la aŭskultantaro. Gratulon al ili pro la bona prezentado!

Ĉeestis la Zoom-kunvenon 26 homoj el 12 diversaj landoj (Belgujo, Italujo, Hungarujo, Danujo, Kanado, Francujo, Kroatujo, Usono, Bulgarujo, Ukrainujo, Rusujo kaj Germanujo). Koran dankon, ke vi ĉiuj ĉeestis. Voĉdonis en la fino 12 homoj (+9 voĉdonis rete jam antaŭe, 5 ne voĉdonis).
Jam antaŭe dum 12 tagoj eblis aŭskulti la kantojn rete kaj ankaŭ jam eblis voĉdoni. Entute 41 homoj voĉdonis jam antaŭe. Krom la landoj de tiuj, kiuj ĉeestis la Zoom-kunvenon, la retaj voĉdonantoj venis ankaŭ el Svedujo, Latvujo, Honkongo, Hispanujo, Pollando, Britujo, Portugalujo, DR Kongo, Nederlando, Ĉeĥujo, Litovujo, Armenujo kaj Israelo.

Do: Entute partoprenis 58 homoj el 27 diversaj landoj.
26 ĉeestis la Zoom-kunvenon, 12 voĉdonis dum la kunveno, 5 ne voĉdonis, 9 ĉeestintoj voĉdonis jam antaŭe rete; 32 aliaj, kiuj ne povis partopreni la Zoom-kunvenon, voĉdonis ankaŭ jam antaŭe rete.
Voĉdonis en la fino 53 homoj.  Koran dankon, ke vi ĉiuj partoprenis.
Gratulon kaj apartan dankon al la proponintoj de la kantoj, al la kantistoj, muzikistoj, verkistoj, tradukistoj de la tekstoj, filmistoj kaj muntistoj de la jutubaj filmoj, ktp.! 

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/wemcr5-zkurkbcxab34mg kaj
https://pollunit.com/de/polls/wemcr5-zkurkbcxab34mg/evaluations

Venkintoj post la voĉdonado (53 voĉdonantoj) kaj venontan fojon denove ĉeestos:

Ĉu vi kontentas? – La Perdita Generacio 

Tiom da homoj voĉdonis entute (donis 1,2,3 aŭ 4 poentojn) por la kantoj:
28 por:   Ĉu vi kontentas? - La Perdita Generacio
25 por:   Kiam for – Alekso Miller
23 por:   Averto – Kajto
22 por:   Tiel la mondo iras – Juliano Hernández Angulo 
22 por:   Iun vi amis (de Lewis Capaldi) – Cristina Casella 
22 por:   La Vojo – Ekaterina Krasko 
19 por:   Virino – Erika Godó (Belulino), Suno AI 
15 por:   Iri serĉi Eldoradon – Šafrda
10 por:   Ĉu iu malfeliĉas (de Max Raabe) – Gregor Markič 

1. Entajpu "Kantoparado" en la serĉkampon
2. Alklaku la ŝaltilon "Pasintaj"
3. Alklaku la lupeon
4. Nun vi povas vidi ĉiujn Kantoparadojn kaj povas elekti tiun, kiun vi ŝatas rigardi
5. Malferminte la paĝon vi trovas ĉiujn ligilojn al la kantoj, la kantotekstojn kaj ankaŭ la rezulton de la voĉdonado

1.  La partoprenantoj de la merkreda Zoom-kunveno tuj post la de la voĉdonado ekscios la rezulton.
2. Ĵaŭdon post la Kantoparado ankaŭ aliaj iam dum la tago povos legi la rezulton en la kalendaro de Eventa Servo sur la paĝo de tiu ĉi Kantoparado. 
3. Krome ni dissendos la rezulton retpoŝte per la retpoŝtadreso, kiun vi aldonis dum la voĉdonado kaj per nia dissendolisto, se via nomo enestas. 

1. Ĉiu mem rajtas proponi kanton, kiun li aŭ ŝi ŝatas. Sendu vian proponon sufiĉe frue al hameln@esperanto.de . Ni poste provas prezenti ĝin plej baldaŭ, eble vi iomete devas atendi ĝis iu alia de la sekvaj monatoj. 
2. Por havi pli varian programon, ĉiu proponinto kaj ankaŭ ĉiu muzikisto plejeble rajtas partopreni nur per unu kanto samtempe.

• Vi trovas detalojn pri la renkontiĝo ankaŭ en la kalendaro de la grupo  https://www.esperanto.de/de/enhavo/hameln/kalender aŭ ĉe https://eventaservo.org/o/RB_Hameln. 
•  Se vi ŝatas ricevi regulajn anoncojn antaŭ niaj kunvenoj per retpoŝto, bonvolu skribi al  hameln@esperanto.de  kaj ni enmetos vian retpoŝtadreson en la dissendoliston.