Kluba kunveno de la loka grupo "La Ratkaptista Bando". Ni kore bonvenigas ĉiujn Esperantistojn el ĉiuj mondopartoj!

Detala programo:
09.04.2025:     20.00 horo virtuala kunveno per Zoom:     
52-a Kantoparado - voĉdonu por la kanto de la monato aprilo!

1.  Jam ekde la 29-a de marto vi trovos la ligilojn al la kantoj kaj la ligilon al la paĝo de PollUnit por voĉdoni sur tiu ĉi paĝo de Eventa Servo. Kaj vi ekde tiam havos tempon por aŭskulti la kantojn trankvile kaj ankaŭ jam povos voĉdoni.
2. Dum la merkredvespera Zoom-kunveno la 9-an de aprilo, kiam ankaŭ la proponintoj de la kantoj, eble ankaŭ la muzikistoj aŭ tekstverkistoj mem povas ion aldoni pri siaj kantoj, ni prezentos ĉiujn kantojn kaj la Resuman Filmon kaj fine povos voĉdoni tiuj, kiuj ankoraŭ ne faris tion. 
3. Post tiu voĉdonado vi ekscios rezulton, kaj vi ekscios, kiu estos nun la Kanto de la monato aprilo!
4. Entute vi havas 7 poentojn, kiujn vi rajtas kaj devas disdoni, kaj maksimume 4 poentojn al unu kanto vi rajtas doni! (Eblas doni 4 poentojn al unu kanto kaj al alia kanto 3 poentojn aŭ eblas doni po 1 poento al 7 kantoj aŭ eblas ĉiu ebleco inter tiuj du ekstremoj.)
5. Atentu: Vi rajtas voĉdoni nur unu fojon! - Rajtas partopreni nur, kiu aŭskultis ĉiujn kantojn kaj povas kompreni almenaŭ bazan Esperanton por iom konatiĝi kun la enhavo de la kantotekstoj. Vi disdonu ĉiujn de viaj sep poentoj - ne plu validas la poentoj, se nur sole unu kanto estas donacita per eble kvar poentoj. 

Proponoj por la 52-a Kanto-Parado je la 09.04.2025, ligiloj por aŭskulti la kantojn:

Ligilo al la paĝo de PollUnit por voĉdoni ĝis la fino de la Zoom-kunveno merkredon vespere:

Tataaa! Jen la Rezultoj kaj statistikoj post la merkreda voĉdonado en la Zoom-ĉambro kaj la voĉdonado en la reto per PollUnit de la 29-a de marto ĝis 9-a de aprilo:

Denove estis bela vespero dum la kunveno en la Zoom-ĉambro merkredon vespere dum la 52-a Kantoparado. La kanto sur la 1-a rango jam sufiĉe frue marŝis antaŭen dum la voĉdonado. Sed la kantoj sur rangoj 2 ĝis 5 eĉ kelkfoje ŝanĝis la rangojn inter si. Finfine eĉ du kantoj okupis la 3-an rangon, sed post la kontrolado videblis, ke unu homo verŝajne neintence trifoje voĉdonis kaj ni devis forstreki du voĉdonadojn de li.
Post la oficiala fino de la Zoom-kunveno estis ankoraŭ bona babilado kaj ni eĉ povis ĝui denove etan noktan koncerteton de Oĉjo kun lia gitaro. Kaj ankaŭ Gregor in invitis nin kunkanti kun li kunan kanton. Tiumaniere eĉ funkciis per Zoom. Bela fino de bela vespero! Elkoran dankon!

Ĉeestis la Zoom-kunvenon 33 homoj el 19 diversaj landoj (Italujo, Hungarujo, Bulgarujo, Francujo, Danujo, Ukrainujo, Belgujo, Nederlando, Slovakujo, Brazilo, Litovujo, Usono, DR Kongo, Kroatujo, Britujo, Egiptujo, Aŭstrujo, Rusujo kaj Germanujo). Koran dankon, ke vi ĉiuj ĉeestis. Voĉdonis en la fino 19 homoj (+5 voĉdonis rete jam antaŭe, 9 ne voĉdonis).
Jam antaŭe dum 12 tagoj eblis aŭskulti la kantojn rete kaj ankaŭ jam eblis voĉdoni. Entute 39 homoj voĉdonis jam antaŭe. Krom la landoj de tiuj, kiuj ĉeestis la Zoom-kunvenon, la retaj voĉdonantoj venis ankaŭ el Hispanujo, Svedujo, Svislando, Pollando, Hongkongo, Meksiko kaj Armenujo.

Do: Entute partoprenis 67 homoj el 26 diversaj landoj.
33 ĉeestis la Zoom-kunvenon, 19 voĉdonis dum la kunveno, 9 ne voĉdonis, 5 ĉeestintoj voĉdonis jam antaŭe rete; 34 aliaj, kiuj ne povis partopreni la Zoom-kunvenon, voĉdonis ankaŭ jam antaŭe rete.
Voĉdonis en la fino 58 homoj.  Koran dankon, ke vi ĉiuj partoprenis.
Gratulon kaj apartan dankon al la proponintoj de la kantoj, al la kantistoj, muzikistoj, verkistoj, tradukistoj de la tekstoj, filmistoj kaj muntistoj de la jutubaj filmoj, ktp.!

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/vwvgsurvi6oxj83jrfi9uq kaj
https://pollunit.com/de/polls/vwvgsurvi6oxj83jrfi9uq/evaluations

Ĉu vi kontentas? – La Perdita Generacio  

1. Entajpu "Kantoparado" en la serĉkampon
2. Alklaku la ŝaltilon "Pasintaj"
3. Alklaku la lupeon
4. Nun vi povas vidi ĉiujn Kantoparadojn kaj povas elekti tiun, kiun vi ŝatas rigardi
5. Malferminte la paĝon vi trovas ĉiujn ligilojn al la kantoj, la kantotekstojn kaj ankaŭ la rezulton de la voĉdonado

1.  La partoprenantoj de la merkreda Zoom-kunveno tuj post la de la voĉdonado ekscios la rezulton.
2. Ĵaŭdon post la Kantoparado ankaŭ aliaj iam dum la tago povos legi la rezulton en la kalendaro de Eventa Servo sur la paĝo de tiu ĉi Kantoparado. 
3. Krome ni dissendos la rezulton retpoŝte per la retpoŝtadreso, kiun vi aldonis dum la voĉdonado kaj per nia dissendolisto, se via nomo enestas. 

1. Ĉiu mem rajtas proponi kanton, kiun li aŭ ŝi ŝatas. Sendu vian proponon sufiĉe frue al hameln@esperanto.de . Ni poste provas prezenti ĝin plej baldaŭ, eble vi iomete devas atendi ĝis iu alia de la sekvaj monatoj. 
2. Por havi pli varian programon, ĉiu proponinto kaj ankaŭ ĉiu muzikisto plejeble rajtas partopreni nur per unu kanto samtempe.

• Vi trovas detalojn pri la renkontiĝo ankaŭ en la kalendaro de la grupo  https://www.esperanto.de/de/enhavo/hameln/kalender aŭ ĉe https://eventaservo.org/o/RB_Hameln. 
•  Se vi ŝatas ricevi regulajn anoncojn antaŭ niaj kunvenoj per retpoŝto, bonvolu skribi al  hameln@esperanto.de  kaj ni enmetos vian retpoŝtadreson en la dissendoliston.