🖥 ILEI-Simpozio
Komenca horo ne konata
Etc/UTC
Esperanto en universitataj medioj – nuntempo kaj estonteco

Internacia

ILEI-Simpozio okazos virtuale kadre de la 54-a Kongreso de ILEI
kun la temo
Esperanto en universitataj medioj – nuntempo kaj estonteco
kaj kvar subtemoj
● Komunikado en multlingvaj edukmedioj  – problemoj kaj solvoj
● Esperanto en supera edukado – mitoj kaj faktoj
● Utiloj kaj defioj de neĉeesta lernado kaj instruado 
● Survoje al virtuala Esperanto-universitato – inter revo kaj realo

———————————————

 Alvoko al universitatanoj

———————————————

Por la simpozio, ILEI kunlabore kun ESF kaj CED kolektas informojn pri agadoj kaj sintenoj en universitatoj kaj aliaj institucioj de supera edukado kaj scienca esplorado, kie: 
 a) oni instruas Esperanton kaj/aŭ interlingvistikon kaj/aŭ esperantologion;
 b) Esperanto-parolanto(j) instruas aŭ studas en aliaj fakoj (ekz. matematiko, ekonomio, historio);
 c) oni esploras pri Esperanto kaj/aŭ interlingvistiko kaj/aŭ esperantologio;
 ĉ) Esperanto uzatas ajnamaniere por la eduka kaj/aŭ scienca laboro;
 d) hejmas libroj en kaj/aŭ pri Esperanto en universitataj bibliotekoj.

La kolektotajn informojn oni celas prezenti dum la Simpozio.

Estis preparitaj du demandaroj – unu por esperantistaj universitatanoj (Demandaro por esperantistaj universitatanoj) kaj unu por ne-esperantistaj universitatanoj, kiuj tamen interesiĝas pri Esperanto; ĉi tiu lasta aperos en diversaj lokaj lingvoj (anglalingva versio jam preta: “The Relevance of Esperanto in Universities Today”, ĉe la dua ligilo ĉi-sube).


1. Por esperantistaj universitatanoj

Se vi studas/is, instruas/is, kaj/aŭ esploras/is en universitato (ne nepre esperanton aŭ pri esperanto) bonvolu plenskribi mem la unuan demandaron, kiu estas por esperantistaj universitatanoj ~ "Demandaro por esperantistaj universitatanoj"; bonvolu disvastigi al esperant-parolantaj universitataj konatoj la ligilon:
https://forms.gle/V1hwXXEvCWqPLQmi8


2. Por ne-esperantistaj universitatanoj

Se vi studas/is, instruas/is, kaj/aŭ esploras/is universitata medio bonvolu peti al viaj universitataj kolegoj, amikoj  studentoj, profesoroj, lektoroj ktp plenskribi por ni la duan demandaron, kiu estas por ne-esperantistaj universitatanoj. La demandaro disponeblas en pluraj lingvoj :

franca "La pertinence de l'espéranto dans les universités aujourd'hui"
https://forms.gle/b2yvUGd6qhF5hZ1j9

angla  "The Relevance of Esperanto in Universities Today"
https://forms.gle/qLUvkWGtddz3ERuw7

itala "L'importanza dell'esperanto nelle universita' oggi"
https://forms.gle/SM4wTRMD749mFGJAA

persa "اهمیت اسپرانتو در دانشگاه ها، امروز"
https://forms.gle/NjQoFRt3tZbZf3FUA

hispana "La relevancia del esperanto en las universidades de hoy"
https://forms.gle/9eM9LmHbrx8f3UFc6

kataluna "La rellevància de l'esperanto a les universitats d'avui"
https://forms.gle/QmmCZAMtEj8tj7or6


Peto por traduki la demandaron

Ni deziras traduki la demandaron en aliajn lingvojn por disvastigi ĝin ene de viaj lokaj universitataj rondoj. Ni petas vian helpon traduki la duan demandaron en lokajn lingvojn. Bonvolu se vi pretas prepari/provlegi traduko(j)n kontaktu nin. Ni kore dankas.

Salutas kaj bondeziras,
Angela kaj Radojica
(angela.tellier@esperantic.org kaj radojica.petrovic.rs@gmail.com)


Informoj

Esperanto – studkampo kaj komuniki...

Partoprenontoj

0

Indiku ke vi partoprenos kaj vi ricevos memorigan retmesaĝon du horojn antaŭ la komenco de la evento.

Administranto