Se vi deziras kunsidi, labori, interŝanĝi ideojn, diskuti, kunplani pri Esperanto; se vi intencas nur per via ĉeesto helpi al la disvastigo de Esperanto surloke;  se vi volas amikiĝi, renkonti afrikajn aktivulojn nur retpoŝtaĵe ekkonitajn; se vi ŝatas Afrikon - sed ankoraŭ ne vizitis la kontinenton; se… Nepre venu al la kongreso!

Ĝi okazos, sub la temo "Esperanto - ŝanco kaj ne minaco por Afriko" en Tieso, Senegalo, de la 26-a ĝis la 30-a de decembro 2022. 

Se vi havas informpetojn bv. skribi: <ake-8-organizantoj@googlegroups.com

>. 

Tre bonvena kaj dankata estas ĉiu mondonaco al la konto Afriko ĉe UEA kun mencio “AKE-8”.
Donacoj kaj la aliĝkotizoj (kotiztabelo baldaŭ pretos) helpos al la organizantoj realigi sukcesan kongreson kaj subvencii la partoprenon al la kongreso de najbarlandaj afrikaj gejunuloj, kiuj aktivas por Esperanto, tamen ne havas la monrimedojn, ĉeesti ĝin.