Kiel funkcias? Plurfoje jare okazas semajnfino aŭ tuta semajno por laboremaj volontuloj en kastelo Greziljono, Kulturdomo de Esperanto, por plibeligi la eksteraĵon, por plibonigi la komforton en la ĉambroj, por ripari aŭ novigi ĉion necesan, por prepari la somerajn semajnojn.

Bonvenas: helpo de ĉiuj laboremaj homoj, aparte de tiuj kun profesia specialiĝo aŭ de tiuj kiuj en sia hejmo mem riparas kaj ĝardenumas.

Bazaj principoj: Vi memstare alvenas. Vi prefere kunportas dormosakon aŭ litotukojn kaj vestaĵojn taŭgajn por laboroj, eventuale ilojn. Vi ricevas manĝojn kaj liton senpage. Dum la mateno kaj posttagmezo vi helpas en planitaj laboroj laŭ viaj kapabloj. En etoso kunlabora, vi realigas utilajn necesajn laborojn pri kiuj vi kompetentas kaj spertas

Preparo: Sufiĉe frue antaŭe anoncu la datojn kaj horojn de viaj alveno kaj foriro, ĉar necesas zorgi pri viaj manĝoj. Informu kiel vi povas helpi. Por anonci kaj informi, kontaktu nin.