Aliĝu al la senpaga internacia kurso kadre de la projekto EToSo (Esperanto-kursaro Tibor Sekelj)

Profunde inspirita de la laboro de nia karmemora majstro Renato Corsetti, nia instruisto [Franĉesko] Francesco Franceschini ekstartigas novan B1–B2-nivelan kurson, tute rekreitan el:

✨ la materialoj persone uzitaj de prof. Corsetti

✨ la rimedoj, kiujn li mem sendis al Franĉesko

✨ lia fama metodo “Gramatiko sen gramatiko” – natura, motiviga, vere lernanto-centra

✨ aktualaj tekstoj, bildoj kaj sondosieroj por viva, moderna lernado

🎓 Kio faras la kurson unika?
✔  Metodo de Renato Corsetti

◦  La kursanoj lernas gramatikon sen seka teorio kaj tro ampleksaj gramatikaj vortoj – sed pere de La Bona Lingvo kaj tra rakontoj, situacioj, dialogoj, realaj viv-ekzemploj.

◦  La lingvo fariĝas ilo, ne studobjekto.

✔  Kadre de EToSo – Esperanto-kursaro Tibor Sekelj

◦  La kurso estas nov(ig)a parto de la internacia projekto de ILEI kaj IrEA, por subteni la lingvolernadon de afrikaj kaj aziaj esperantistoj.

◦  Partoprenante, vi iĝas parto de tutmonda, solidara lernkomunumo!

✔  90-minuta semajna renkontiĝo

◦  Intensa, sed kun homskala ritmo – desegnita por respeguli la plej bonajn praktikojn de prof. Corsetti mem.

 
🌍 Por kiu estas la kurso?
    • Lernantoj, kiuj jam atingis B1-nivelon kaj volas pasi al komforta, flua B2
    • Aktivuloj en Afriko, Azio kaj aliaj regionoj, kiuj serĉas altkvalitan, senpagan aŭ atingeblan kurson

    • Homoj kiuj volas sperti la vivantan pedagogian heredaĵon de Renato Corsetti.

⌚︎ Kiam?

Ĝi okazos Ĉiu-ĵaŭde ek de la 8-a de januaro 2026 kaj vi povas elekti inter:

•  a) je la 11:30 ĝis la 13:00 (UTC)

•  b) je la 17:00 ĝis la 18:30 (UTC)

📨 Aliĝu nun!

Ne perdu ĉi tiun unikan ŝancon lerni per metodo, kiu jam formis generaciojn da esperantistoj!

Skribu al etoso@mail.com por aliĝi aŭ ricevi pliajn informojn pri la b1-b2 internacia kurso de Esperanto.

Kune ni daŭrigas la spiriton de Tibor Sekelj, kaj la heredaĵon de Renato Corsetti – por la estonteco de la tutmonda Esperanto-komunumo.