Verda Kafo estas loka ĉiumonata Esperanta rendevuo el la urbo Porto Alegre (Brazilo), kiu kutime efektiviĝas en la lasta sabato de la monato. Ĝi estis kreita en Aŭgusto 1978 kaj de tiam okazadas seninterrompe! 

Ni renkontiĝos en la kafejo Aromaz, en la tria etaĝo de la butikumcentro Rua da Praia (Rua dos Andradas, 1001), je la 16-a horo. Tamen atentu: pro okazantaj riparoj en la butikumcentro (ankoraŭ sekve de la inundoj) oni devas eniri ĝin per la supra enirejo, ĉe la stratoj Riachuelo kaj Caldas Júnior.