Ek de la 9-a de Decembro 2025 ĝis 31-a de Marto 2026 estos vizitebla en la akceptejo de Biblioteka Narodowa (Nacia Biblioteko de Pollando) ekspozicio pri la bicikla vojaĝo kiun, inter 1928 kaj 1932, Lucien Péraire, juna franca manlaboristo, faradis "per kaj por Esperanto".
Anonco de la ekspozicio ĉe Biblioteka Narodowa

La ekspozicio estas libere vizitebla, ek de 9 Dec. 2025, ĉiutage de Lundo ĝis Sabato, inter 8h30 kaj 20h30, ĉe :
Biblioteka Narodowa
al. Niepodległości 213
02-086 Warszawa
Metrostacio : Pole Mokotowskie

Oficiala malfermo de la ekspozicio okazos je Mardo 9-a de Decembro 2025 ek de la 6-a vespere. Esperantistoj kaj biciklistoj estos akceptataj — sen sia biciklo. — « The ceremony will be held in English. Please confirm your attendance by December 5th at :  rsvp@bn.org.pl »

... por atendi pacience, vizitu : https://peraire.huma-num.fr/eo ; jen ĉi-sube kelkaj eroj de la ekspozicio :

Afiŝo de la ekspozicio : "VOJAĜO, bicikle ĝis Azio, per kaj por Esperanto" :

SAT-kongreso de 1927 en Liono, la unua E-ista okazo en kiu ĉeestis Lucien Péraire (la ruĝa-ora-verda flago ankaŭ videblas en la ekspozicio) :

Fotogravura plato per kiu estis presitaj poŝtkartoj, kiujn survoje vendis Lucien Péraire :

Afiŝo de kongreso kaj ekspozicio de Bureau International d'Éducation en 1929 :

Afiŝo de la U.K. de 1931 en Krakovo :

150 aliaj dokumentoj kaj objektoj, kiuj rilatas kun la E-movado en la epoko de la vojaĝo, notinde en Pollando, objektoj kiuj devenas de la Nacia Biblioteko de Pollando (kiu nun entenas la Bibliotekon Hector Hodler de U.E.A.), kaj originalaj devenaĵoj de la vojaĝo de Lucien Péraire (pasporto, fotoj, taglibroj, mapoj, ricevitaj de Esperanto-France), ĉiuj estas videblaj en la ekspozicio — krom la biciklo !