Ĝi estos la kvina okazinta en la insulo Majorko. La antaŭaj estis: 
— 1925, Palma
— 1927, Sóller
— 1993, Alcúdia kaj
— 2002, Sóller.

La kongresejo situos en loko tre ŝatata de la majorkanoj, la Serra de Tramuntana kaj la Santuari de Lluc.

La programon de la kongreso konsistigos la specifa parto "Defioj de la 21-a jarcento" kaj komuna parto. La specifa parto enhavos prelegojn en esperanto faritaj de konantoj de la temo. La komuna parto enhavos, inter aliaj
— Kursetoj de esperanto por komencantoj kaj progresantoj
— Seminario pri beletra tradukado
— Ekskursoj en la naturo aŭ pri kulturo gvidataj en esperanto
— Kunveno por lerni kaj ĝui dancojn de la mondo, gvidata en esperanto.