La Segovia Esperanto-Asocio, la plej juna el la Esperanto-kluboj en Hispanio, organizas denove aktivadon en la Publika Biblioteko de la provinca ĉefurbo. Ĉikaze temas pri la prezentado kaj senpaga disdonado de revueto ('fanzino') nomata "Frenezzono", kreita de la lernintoj kaj instruintoj de la kurso de Esperanto okazinta en la Biblioteko en la unua duono de tiu ĉi jaro. Poste okazos sesio de tabloludoj en Esperanto.