Venu al la Kultura Tago 2023! Sabaton la 24-an de junio en Maastricht - Nederlando
La Kultura Tago en Woudrichem estis pasintjare granda sukseso. Ĉi-jare ni, el Limburgo, organizas la Kulturan Tagon kaj ni ĝojas inviti vin al la belega urbo Maastricht.
Ni promesas al vi interesan tagon plena de aktivaĵoj en agrabla etoso. Limburga kuko certe ne mankos kaj ni jam povas malkaŝi, ke parto de la programo estos en la kadro de Maastricht kiel fortikaĵa urbo.
Nia programo komenciĝos je 10h30 kaj finiĝos je 18h00. La vespera manĝo – limburga menuo - estas fakultativa. Membroj de Esperanto Nederland pagas €20. Se vi ne estas membro, vi pagas €25. La vespermanĝo estas fakultativa kaj necesas krompagi €20. Metu ĉi tiun tagon en vian tagordon kaj registriĝu plej malfrue antaŭ la 9-a de junio.. Via partopreno estas definitiva kiam la sumo estas pagita.
Yves Nevelsteen
Ineke Emmelkamp
Mariska de Jonge
Ron Winteraeken