Por la tria fojo okazos aŭtune ĉe la kataluna marbordo la Naturamika Kultursemajno, heredinta la tradicion de la Internacia Semajno de la Kulturo kaj Turismo. Ĉi-foje ĝi okazos en kvarstela hotelo Golden Bahía en urbeto Tossa de Mar, en la koro de la fama «Costa Brava» (Sovaĝa Marbordo), urbeto internacie diskonita antaŭ 70 jaroj de la filmo Pandora kaj la fluganta holandano.

Jen jam konfirmitaj programeroj:

Ekskursoj

• Tuttaga ekskurso al Ĝardeno Marimurtra (Blanes) kaj Ĝardeno Santa Clotilde (Lloret)
• Duontaga vizito en Tossa de Mar
• Vizito de la Kataluna Nacia Biblioteko kaj/aŭ scienca muzeo Cosmocaixa (postkongrese)
• Vizito de Muzeo de Esperanto de Subirats (postkongrese)

Artaj vesperoj

• Kaj Tiel Plu en koncerto
• jOmO en koncerto (Jean-Marc Leclercq)
• Tradicia Esperanta Kantvespero (S. Keable)
• Magiaj ludoj (A.Badía, P. Martín)
• Filmo: La pedalaŭto

Kursoj kaj edukado

• Konversacia kurso gvidata de Alessio Giordano
• Ekzamena sesio por kandidatoj al LTSEC-diplomo

Prelegoj

• Prezento de la kataluna lingvo (Rubeno Fernández)
• Asertas Pereira: prezento de la romano, nun en esperanta traduko (Perla Martinelli)
• Filma intervjuo kaj komentario pri William Auld (Giorgio Silfer)
• Istanbul' Istanbulo: prezento de la romano, nun en esperanta traduko (Alessio Giordano)
• Ekologiismo kaj klimata ŝanĝo (Anĝelo García del Río)
• Natureco en lingvistiko kaj arĥivistiko (Rubeno Fernández)

Praktikaj informoj

La plej rapida maniero atingi Tossa'n estas per rekta ekspresa buso el la flughaveno de Barcelono. La sama kompanio veturas el la flughaveno de Ĝirono (Girona) kaj inter Tossa kaj centra Barcelono (Estació del Nord). La plej proksima fervoja haltejo estas Blanes (linio R1 de regionaj fervojoj) el kiu buso L69 veturas al Tossa.