La Segovia Esperanto-Asocio, la plej juna el la Esperanto-kluboj en Hispanio, tre altnivele komencas sian agadon. Post aktivado ĉe La Granja fine de la pasinta jaro, ĉi-februare ĝi organizas ĝis tri aktivadojn en la Publika Biblioteko de la provinca ĉefurbo: ekspozicio, prelego kaj kurso.

La ekspozicio titoliĝas: “Esperanto: de Utopio al Realo”, kaj okazos de la 3-a de februaro ĝis la 31-a de marto en la Publika Biblioteko de Segovia (C. Los Procuradores de la Tierra, 6)