- Se vi jam listiĝas kiel preleganto, jen via kunveno por informiĝi pri la aranĝo: horoj, kondiĉoj, teknika situacio, ktp.
- Se vi volas iĝi preleganto, jen via kunveno por proponi kaj eventuale esti akceptata.
- Se vi scivolas pri la riĉa eduka, kultura, internacia enhavo de la prelegoj kaj atelieroj de la Hispana Kongreso en Cheste (Valencio), Hispanio, jen via kunvenejo.
Prelegantoj:
Duncan Charters, AMO-Seminario, Tonjo del Barrio, Amri Wandel, Laura Brazzabeni, Rubén Fernandez, Viko Manzano, Gabriela Manzano, Raia Androvska, Iván Garcia, Dennis Keefe, Eŭheno Kovtonjuk, Niko Voloshin, Georgo Handzlik, Arno Lagrange, Ana Manero, Ana Montesinos, Ismael Enarque, Santiago Cerveró i Caballero, Maria Adelantado, José Vicente Castillo, La familia de Don Felix Navarro, Miguel Gutiérrez Adúriz (Liven Dek), Antonio Badía, Pedro M. Martín,
Kaj se eblas, ni volonte akceptos prelegojn de: Olga Bauer Skobieieva, Elías Hernádez Capdevila, Gari Knorr de EOI, Ite Tytgat, Alex Humet, Alberto Stalin Garrido, Anton Oberndorfer, Pedro Hernández, Josip Pleadin, Rodica Todor . . .
Bonvolu noti: Estas multe, multe da prelegoj kaj AMO-Seminariaj prezentadoj dum la HEF Landa Kongreso. Partoj el tiuj prelegoj okazos en Klasĉambro 1 (fakte, la Salonego, kapacito 200), partoj en Klasĉambro 2 (fakte, kuntabla ĉambro tuj apud la studenta manĝejo. Sed pro la "troo" da prelegoj, multe da prelelantoj faros siajn prelegojn iom pli neformate aŭ en parto de la manĝejo (kapacito 20 eble), aŭ kun seĝoj ekstere (kapacito inter 10 kaj 40, eble). Kaj iom da prelegantoj faros siajn prelegojn aristotelo-stile, peripatetike (en grupeto de 3, 4, 5 aŭ 6 homoj), promene rondirante la belajn terenojn kiuj ĉirkaŭas la Kongresejon. Neforgesebla sperto! Ni esperas, ke multaj prelegantoj volos provi tiujn novajn formojn prelegi -- piedoj, buŝoj, oreloj, mensoj, komprenoj --, kiel faris la greka filozofo Aristotelo en sia Liceo!
Kaj VI?