Hungara lingvisto, Ilona Koutny gvidas de pli ol dudek jaroj la Interlingvistikajn Studojn en Universitato de Poznan (Pollando). Ŝi prelegos en la sidejo de Espéranto-France pri la « instruvaloro de Esperanto en la eduka sistemo », reliefigante ĝian lernkonsciigan kaj lernfaciligan rolon por junuloj, mensoekzercan por pliaĝuloj, kaj kiel ĝi progresigas interkulturan komunikadon.