Via for-iro!  Ni ĵus sendis al vi retpoŝt- mesaĝon!  Bonvolu respondu pri HORO, DESTINO, AŬTO.  Dankon!  Ni provos fari helpo-plano, ĈI NOKTE se eblas!

LANDA KONGRESO Valencio (Cheste), inter la 5a kaj 8a de septembro, 2024.  La plej aktualaj informoj pri la Kongreso (ĝenerala programo, prelegoj kaj prelegantoj, AMO-Seminario troviĝos ĉi tie.

GRANDA POST-KONGRESO:
9 - 23 septembro, Valencio kaj ĉirkaŭaĵoj.

Tuj post la Landa Kongreso, vi povos partopreni en abundaj vizitoj kaj ekskursoj, kaj tio, laŭ via plaĉo, inter unu tago ĝis 14 tagoj.  Postkongrese ni babilos, trinkos, manĝos, vizitos, ekskursos esperante.    Fakte, eĉ ĉe la fino de la Kongeso, dimanĉon, la 8an de septembro -- se vi havas la trajno-bileton hispane nomatan "billete recurrente" -- mi rekomendas, ke vi unue vizitu kun ni la urbeton Buñol tuj post la Kongreso.  Tie okazas ĉiujare la internacie fama Tomato-Batalo (https://www.youtube.com/watch?v=CH3piZaFMDg)   Poste, ĉiuj kiuj postkongresos povas iri al Valencio. 

Kie loĝi dum la Post-Kongreso?  Pro la fakto, ke ĈIUJ ekskursoj komenciĝas je la 10a matene, ĉiam en la sama loko, sub la granda, ekstera horloĝo de la stacidomo Valencia Nord, vi povas loĝi ne nur ie ajn en Valencio mem (Valencia Nord estas la kerno de la buso-sistemo, la metroo-sistemo, kaj la trajno-sistemo), sed ankaŭ en ajna urbeto, kiu troviĝas sur la trajno-vojoj kiuj iras al Valencia Nord.  Provu http://www.airbnb.com nun.  Ankaŭ, provu http://www.booking.com, etc).  Ĉe la stacidomo mem estas junularo-gastejo (35 eŭroj), sed por du homo ofte troviĝas en Valencio, airbnb-ĉambroj je nur inter 20 kaj 40 eŭroj.

Niaj vizitoj estos vastaj, sed memoru, ke la celo estas ne nur vidi interesajn historiajn kaj kulturajn partojn de Valencia Urbo kaj Valencia Regiono, sed ankaŭ ekkoni novajn Esperantistojn.  Babili esperante.  Ĝui la lingvon, eĉ montri ĝin vaste kaj ĝoje.

Kalendaro: Unua semajno, 9 sep - 15 sep.

Lunde, la 9an de septembro: En la unua lundo, la 9an de septembro, ni orientiĝos en Valencio, vizitante la historian centron, tagmanĝante kiel la Valencianoj (unua plado, dua plado, deserto, trinkaĵo, (inter 10 kaj 13 eŭroj), finante nian tagon ripoze ĉe la Botanika Ĝardeno (1,6€ - 3,0€). Jen filmeto de la historia centro (https://www.youtube.com/watch?v=GX243zdfqNw). Kaj jen filmeto pri la Botanika Ĝardeno https://www.youtube.com/watch?v=ZrL3-Wh1Msk:  Ĉiĉeronoj: Dennis Keefe kaj la Valencianoj, Raia Androvska.

Marde, la 10an de septembro.  Marde ni promenos tra la plej longa parko en Eŭropo,  la mirinda Parko Turia.  Ĝi longas je pli ol ok kilometroj.  Ni provos tagmanĝi ĉe la UK Kongreso de 1993, kiu troviĝas ĝuste en tiu parko!  Ni finos tiun tagon per ekvizito al la fama Urbo de la Artoj de la Sciencoj, mirinda kolekto da arkitekturaĵoj de Eŭropo.  Jen jutubaĵo pri la Parko Turia (La UK 1993 Kongresejo videblas en minuto 1:58, kaj partoj de la Urbo de la Artoj kaj Sciencoj en minuto 2:15) https://www.youtube.com/watch?v=_3S6TR9kImE  Ĉiĉerono: Luis Salag kaj la Valencianoj.

Merkrede, la 11an de septembro.  Merkede ni trajnos al la urbo Castellón, invitite de Francisko Conejero, por komuna, vegetara, tradicia valencia tagmanĝo ĉe lia farmbieneto, kun abundaj naturaj frukto-arboj de Valencio.  Laŭeble ni vizitos interesajn partojn de la centro de la urbo Castellón, kaj revenante trajne de Valencio, tiuj kiuj volas povos viziti Sagunto kaj El Puig.  Jen io pri Castellón: https://www.youtube.com/watch?v=lofq64bchWc  Ĉiĉerono Francisco Conejero de Castellón.

Ĵaŭde, la 12an de septembro.  Ĵaŭde Raia Androvska ĉiĉeronos vin tra la plej granda marbesto-ĝardeno en Eŭropo, la Oceanografiko, post tio, vi povas pli ĝue kaj detale viziti la Urbon de la Artoj kaj Sciencoj, ege plezura okulo-festo.  Kaj post la tagmanĝo, tra la muzeo de Las Fallas de Valencio.  Jen la Marbesto-Ĝardeno: https://www.youtube.com/watch?v=mq8tQ60Zn8E&list=PLjFymgDeHCaC5-pF2q11O2R62zAkTEq6L  Kaj filmeto de la festivalo Las Fallas: https://www.youtube.com/watch?v=QS25oh93uv4 .  Ĉiĉeronoj: Raia kaj kelkmil fiŝoj kaj eventuala krokodilo.

Vendrede, la 13an de septembro.  Vendrede estas la vico de nia fama astronomo kaj astrofizikistso Dro Amri Wandel, gvidi vin tra la scienca muzeo Principe Felipe II, muzeo kiu troviĝas kore de la Urbo de la Artoj kaj Sciencoj.  Post tagmanĝo ĉiuj povas spekit specialan scienco-rilatan filmon en la spektakulara 3-dimensia kinejo de Valencio, la Hemisferic.  Kaj, post la filmo, vi povas ĝuis la trankvilan kafejon de la Hemisferic kaj ĝui longan babliladon pri la filmo, pri la scienca muzeo, pri la galaksioj, pri ĉio, esperante.  Jen filmeto de la Urbo de la Artoj kaj de la Sciencoj: https://www.youtube.com/watch?v=6H8G7KDHVfw  Ĉiĉerono: D-ro Amri Wandel.

Sabate, la 14an de septembro.  Sabate, vi trajnos al la plej feria urbo de la regiono Valencio-Castellón-Alicante.  Tiu belega multfaceta urbo nomiĝas Cullera.  Loĝantaro en vintro: 28,000; loĝantaro en somero 200,000!  Loka Esperantisto Santiago Cerveró i Caballero ĉiĉeronos vin laŭlonge de la rivero, ĉe la hejmo de la fiŝkaptistoj.  Poste vi vizitos la kastelon kaj preĝejon sur la monto, babilante ankaŭ en la ĉarma trinkejo de kie vi vidos la tutan Mediteraneon.  Vi ankau tagmanĝos en Cullera, kaj kafumos laŭlonge de la longa plaĝo.  Estas miloj da filmetoj pri Cullera.  Jen unu el ili: https://www.youtube.com/watch?v=RUVXHp2iDy8  Ĉiĉerono: Santiago Cerveró i Caballero, Esperantisto de Cullera.

Dimanĉe, la 15an de septembro. Dimanĉe per buso vi vizitos la plej grandan lagon kaj naturparkon de Hispanio, la Albufera, kune kun unu el la plej interesaj vilaĝoj de Hispanio El Palmar, hejmo de la fama hispana rizaĵo paella, loko kie portempe loĝis la fama valencia verkisto Blasco Ibañez, kie verkoj La Barraca kaj Cañas y Barro centriĝas en tiu vilaĝo.  Post tagmanĝo, vegetara aŭ alia, en unu el la famaj restoracioj tie, vi povos boatumi sur la lago, gvidata de loka fiŝkaptisto aŭ rizo-kamparano -- du el la ĉefaj metioj de tiu fama urbeto.  Malgranda vilaĝo, malgranda filmeto: https://www.youtube.com/watch?v=2EjBd9ChNXg  Kaj vidu ankaŭ la boatumado en la Albufera, la fama birdo-rezervejo de Hispanio:  Ĉiĉerono: Dennis Keefe

Kalendaro: Dua semajno, 16 sep - 22 sep.

Lunde, la 16an de septembro.  Cullera II. Ĉi foje ni iros  rekte al la bluflagaj plaĝoj de Cullera, komencante apud la defluejo de la rivero Jucar, kaj poste irante ĝis la fino de la digo, markita de lumtureto.  Ni poste promenos aŭ sursable, aŭ surtrotuare -- laŭ via plaĉo -- ĝis la golfeto de El Faro, trapasante Esperanto-Plaĝon (fama Esperanto-Kursejo).  Poste ni vizitos la piratan kavernon Dragut, eble kafumante sur la marborda klifo, kaj vizitos la lumturon El Faro.  Proksime ni tagmanĝos en malmultekosta tradicia valencia  restoracio (10-11€). Ĉiĉerono, Dennis Keefe.

Marde, la 17an de septembro

Mardo estos nia arto-tago.   Ni komencos per la Etno-Muzeo de Valencio, gajninto lastjare de la premio: plej bona muzeo en Eŭropo.  Tie vi vidos tre specialajn manierojn prezenti la antrolopologian manieron vidi Valencion.  Poste, tuj apude, ni trairos la Muzeo de la Prahistorio.  Kaj survoje al la dua plej granda arto-muzeo en Hispanio, La Muzeo de Belartoj de Valencio, vi povas viziti la modernan arto-muzeon IVAM.  Tri el tiuj kvar muzeoj estas senpagaj, kaj se vi estas emerito, ĉiuj kvar.  Post bela promenado tra la Parko Viveros, ni tagmanĝos ĉe la Universitato de Valencio.  Ĉiĉerono: La Valenciano-teamo.

Merkrede, la 18an de septembro

La grandega plaĝo de Valencio, la Malvarrosa.  La urbo-vilaĝo Cabañal.  La Marhaveno.  Detaloj poste.

Jaŭde, la 19an de septembro

El Tribunal de las Aguas (Mondheredaĵo de UNESKO.  El Kadedralo de Valencio.  La pokalo de Kristo.  La muzeo de arkeologio de Valencio.  La antikva universitato de Valencio.  Torres de Serranos.  Barrio del Carmen.  Detaloj poste.

Vendrede, la 20an de septembro

Benimaclet, Alboraja, La vojo de la "horchata", Saplaya, la Venecio de Hispanio.  Detaloj poste.

Sabate, la 21an de septembro

Manises, la urbo de la Ceramiko.  Aldaia, la fabriko de hispanaj mano- ventumiloj:  Ĉiĉerono: Carmen Lopez kaj la Valencianoj.  Detaloj poste.

Dimanĉe, la 22an de septembro

Du urboj de la mezepoko, renesanco: Alcira kaj Xátiva.  Ĉiĉeronoj: Pau Mendoza Casp kaj la Valencianoj.  Detaloj poste.

Fino de la Post-Kongreso de Hispanio, 2024

Ĉiĉeronoj:  Dennis Keefe, Amri Wandel, Raia Androvska, Luis Salag, Santiago Cerveró i Caballero, Carmen López Martínez, Pau Mendoza Casp, Carmen Segarra, Francisco Conejero.

Rigardu sube por la listo de urbo-vizitoj kaj ekstervalenciaj vizitoj, kiujn vi povos ĝui en la dua semajno.

**Vidu la kalendaro-horaron de la Post-Kongreso kaj ĝiaj ekskursoj sube.

ALIĜO: https://kongreso.esperanto.es
TELEGRAM GRUPO: https://t.me/HispanaEsperantoKongreso

* Programo, Post-Kongreso, semajno 1

** Programo, Post-Kongreso, semajno 2

*** Prezoj, Kotizoj, laŭ periodo