Ĉiumarde en la lingva kafejo KoToPo estas diskutrondo en Esperanto por ekzerci la lingvon. Gvidas ĝin instruisto de Esperanto kiu povas respondi al demandoj kaj helpi pri la lingvo. Ĉiusemajne estos nova temo por pridiskuti. Ĝi estas malferma al ĉiu nivelo.

Ĉi-foje ni faros mallongajn debatojn pri bagatelaj temoj por ekzerci la lingvon kaj instigi ĉiun paroli. Estos kartaro kun sugestoj por la temoj kaj ni laŭvice prenos unu karton por diskuti ĝin. Ekzemplaj bagatelaj debatoj povas esti:

“Oni devus anstataŭigi retmesaĝojn kaj tujmesaĝilojn per tradiciaj leteroj.”

“Ĉiu devus fajfi dum ri laboras.”

“Devus ekzisti olimpikaj ludoj de hejmbestoj.”

“Neniu aktoro devus aperi en pli ol unu filmo.”