🖥 Reta Kunveno kun Mirejo
12:00 - 14:00 (MET)
Eŭropo/Zuriko
Elekti horzonon
Momento por paroli, ion prezenti aŭ nur aŭskulti.

Internacia

Momento por paroli, ion prezenti aŭ nur aŭskulti. Praktiki la lingvon. Ne temas pri kurso.

Mirejo agas nome de Svisa Esperanto-Societo (SES).

Mireille Grosjean, emerita instruisto pri lingvoj, proponas retajn kunvenojn por doni eblon al esperantistoj uzi nian lingvon kaj progresi en parol- kaj komprenkapabloj. La eblo origine koncernis la homojn en Svislando, sed nun montriĝas bezono en orienta AZIO.

Ŝi trovas inspiron en la farmaniero de Sinjoro Yamakawa el Tokyo, Japanio. Ŝi trovis ankaŭ inspiron en la famaj TED-prelegoj, kiuj daŭras 18 minutojn, kaj decidis, ke la maksimuma daŭro de prezentaĵoj estu 16 minutoj, pensante pri la 16 reguloj de nia lingvo. Temas pri maltedaj kunvenoj.

Do personoj, kiuj deziras paroli Esperanton, povas prepari mallongan tekston pri iu temo, konsekvence ili devos prepari sin esplorante pri la bezonataj vortoj. Antaŭ la kunsido ili ekrilatu kun Mirejo kaj anoncu sian temon. Dum la kunsido ili povos legi sian tekston, sed ili ankaŭ devos respondi al demandoj, do paroli libere. La kunsido aspektos kiel mozaiko de diversaj prezentaĵoj.

Ŝi organizis retsurfacon por la grupo kaj anoncas la datojn :

Kutime merkrede de la 12-a ĝis la 14-a horo (UTC+1 ĝis la fino de marto, poste UTC+2. En Tokyo kaj Seulo estos de januaro ĝis marto de la 20a horo ĝis la 22-a horo)

Merkrede  24-an de januaro 2024

Merkrede  7-an de februaro

Merkrede 6-an de marto

Merkrede ekde aprilo de la 13-a ĝis la 15-a horo (UTC+2. En Tokyo kaj Seulo estos de la 20a horo ĝis la 22-a horo)

Merkrede 3-an de aprilo

Merkrede 1-an de majo

Merkrede 29-an de majo

Merkrede 26-an de junio

Merkrede 10-an de julio

La interesatoj skribu al Mirejo kaj ili ricevos de ŝi la ligilon. Ŝia retadreso : mirejo.mireille@gmail.com

Ĉiu sentu sin libera proponi temon, aŭ nur aŭskulti. La daŭro ne nepre estu 6 minutoj de peĉakuĉo aŭ 16 minutoj maltedaj. Ĝi povas esti malpli ol 6 minutoj. Ĝi ne povas esti pli ol 16 minutoj. Por ke la parolantoj estu sen streĉo la kunsido ne estas registrata.

Ne temas pri kurso. Se aperas ia gramatika malfacilaĵo, demando aŭ konstanta eraro, la afero estos traktata post la reta kunveno nur kun la koncerna persono.

La retaj kunvenoj kun Mirejo okazas sub la aŭspicioj de Svisa Esperanto-Societo kaj Svisa ILEI-Sekcio.

Ĝis baldaŭ en la Reto !

Elkore salutas Mirejo
 

 

Informoj

mirejo.mireille(ĉe)gmail.com
La Chaux-de-Fonds, Svislando

Interesiĝantoj

0

Ensalutu por indiki vian interesiĝon

Administranto