Aliĝu al ni por amuza tuttaga esperantlingva evento! Ni unue renkontiĝos ĉe la bierfarejo Pub Dog en Nova Vindsoro por tagmanĝi picon, kaj babili. Poste, ni iros al la Farmo-muzeo en Vestminstro por lerni pri la regiono, promeni en bela kampara loko, kaj plej grave, paroli esperante. Post tiam, ni iros al alia bierfarejo, Flood Zone en Unio-Ponto, por vespermanĝi, kaj ĝui muzikon tie. Se la vetero ne taŭgos por viziti la Farmo-muzeon, ni iros al la Historio-Societo de Kantono Carroll. La kosto por eniri la muzeon estos $5. Se vi ne volos veturi tiel multe tra la regiono, diru al la organizantoj, kaj ni provos kunveturi.