[ 10 ĉeestintoj, ne samtempe. El inter diversaj momentoj de nia kunveno : Laure kaptis nian rondon, rakontante la novelon "La Mano de Simio" ("The Monkey's Paw") de W.W. Jacobs (1902), kiun ŝi freŝe legis anglalingve ; Lionel proponis la franclingvan kanzonon de Jean Ferrat "La Fantomo" (aludo pri la epoko kiam Ferrat estis cenzurita ĉe la naciaj radioj-televidoj ; ni esploris diversajn ecojn de fantomoj, notinde ni komparis kun fantasmoj, ni eĉ konstatis ke artefaritaj intelektoj produktas fantomojn, nomitaj "halucino" ; iu memoris pri spiritisma parol-rondo antaŭ deko da jaroj dum kiu La Majstro al nia alvoko respondis per nekompreneblaj vortoj... ; ni ankaŭ temis pri la naturo de sonĝoj kompare kun "la realo" (la okazoj "realaj" estas pli oftaj, konstantaj, do pli verŝajnaj) ; ni spektis "La Salsa du démon" ("La Salso de demono") de Grand Orchestre du Splendid (1980, televida versio de 1980 kiu tute ne plu estas spektebla nun en televidoj, kvankam ĝi estiĝis klasikaĵo de la franca kanzonaro : amatora koruso en 2025)... ; kaj fine, probable ĉar ni ne atendis ĝis noktomezo, kaj sendepende de sufiĉa konsumo de vino, ni tamen... neniun fantomon vidis ! ]
sidejo_jan2021_800x200.jpg40,6 kB La karan etoson de malvirtualaj parol-rondoj, de kursoj, de Esperantistaj renkontiĝoj... eniĝu : eniru la butikon, kaj ni interparolu, laŭ nia amikeca kutimo !
Ĉi-tiu kunveno okazos nur enloke, t.s. ne per interreto. Kiel kutime, nia diskuto estos tute libera.