Karaj samideanoj,

En junio ni kun grupo da homoj vadeksursos al Amelando! Ĉiu, kiu volas aliĝi al ni, estas kore bonvena. Ni ankaŭ tre ĝojus renkonti esperantistojn sur Amelando, kiuj ne volas aŭ ne povas vadmigradi. Ili povas veni per la pramŝipo al la insulo. Ni renkontiĝos poste en kafejo aŭ restoracio sur la insulo.

Frua matene ni ekiros de la molo en Holwerd. Sub gvido de atestitaj gvidantoj ni transiros la vadon de Holwerd al Amelando. Ni marŝos kiel unu grupo. La migrado daŭras ĉirkaŭ 3,5–4 horojn. Tio postulas sufiĉe bonan fizikan kondiĉon.

Pliajn detalojn vi trovas en la retejo de Esperanto Nederland.

Harm Voortman, Paweł Fischer Kotowski kaj Foppe-Klaas Hovinga.