Ĉi-jare, por la Montreala eldono de Paralela Universo, ni proponas al vi mallongan promenon kaj viziton al ekspozicio, al (espereble) ankoraŭ al vi nekonataj lokoj de la urbo.

12:00 – 14:30 – Pikniko en parko « Jardin Les Floralies » en Parc Jean-Drapeau (metroo: Jean-Drapeau flava linio).

Ni kuniĝos antaŭ la elirejo de la metroo Jean-Drapeau, por ekiri iom post tagmezo. Ni poste paŝados ĝis la parketo « Jardin Les Floralies » (sekvu la ŝildojn pri Mosaïcultures) en la apuda insulo Notre-Dame. Atentu, ke parto de la vojo havas ŝtuparojn. Ni trovos agrablan lokon por kune manĝi.

Okaze de pluvo: Tagmanĝo en restoracietarejo « Time Out Market » (Centro Eaton – Adreso: 705 rue Sainte-Catherine O, Montréal, QC, H3B 4G5, alirebla el la metroo McGill)

14:30 – 15:00 – Kuna irado ĝis Muzeo McCord Stewart, por vidi la ekspozicion « Battre le pavé: La photo de rue à Montréal ». Adreso: 690 rue Sherbrooke O, Montréal, QC H3A 1E9

Temas pri (dumtempa) ekspozicio de ĉirkaŭ 400 fotoj de Montrealo ekde la 19-a jarcento. Aliaj ekzpozicioj de la muzeo alireblos se tiu parto de la vizito daŭros malpli ol antaŭvidite.

Prezo: 20 $, rabatoj por diversaj kategorioj. Senpage por membroj de la muzeo. Ĉiuj devos mem zorgi pri la kosto.

15:00 – 17:00 – Vizito de la Muzeo McCord Stewart

17:30 – 19:00 – Paŝado ĝis la restoracio Lola Rosa Place-des-Arts (adreso: 276 Rue Sainte-Catherine O, Montréal, QC H2X 2A1)

Horoj estas proksimumaj. Ni strebos laŭeble respekti la horaron, sed foje malfacilas antaŭvidi kiom da tempo postulos ĉiu programero.

Noto: ĉiu partoprenanto respondecos pri ĉiuj kostoj de sia partopreno.