Organizita far Tea TURMANIDZE, kartvela esperantistino, kaj ŝia edzo Reĵis FABRE
 

Laŭtaga programo
La 25-an de majo (sabate) – La ĉefurbo Tbiliso 

Alveno en la ĉefurbon Tbiliso kaj vizito de la malnova parto de la urbo 

Tranokto en tristela hotelo en la centro de la urbo Tbiliso 

La 26-an de majo (dimanĉe) – La antikvaj urboj Mcĥeta kaj Upliscire 

Matene: vizito de la antikva urbo Mcĥeta, inkluzive la supran preĝejon Ĝvari, kaj la arkeologian lokon Grakliani (X – IX jarcentoj a.K), kiu tute ŝanĝas la sciaron de nia homara historio. 

Posttagmeze : vizito de la antikva troglodita urbo Upliscire kaj aliro al Kutaiso 

Tranokto en Kutaiso, la dua plej granda urbo de Kartvelio, en familia gastigejo 

La 27-an de majo (lunde) – La Prometeo kavernoj 

Matene: vizito de la kavernoj de Prometeo 

Posttagmeze: aliro al Svanetio (alta parto de Kaŭkazo) 

Tranokto en Mestia, la ĉefurbo de la regiono Svanetio, en familia gastigejo 

La 28-an de majo (marde) – La urboj Gori kaj Kutaiso 

Vizito de la altnivela montara vilaĝo (2200 m) Uŝguli kun ĝiaj tipaj loĝturoj kaj alproksimiĝo de la glaĉero Ŝrara pere de ajnagrunda aŭtomobilo 

Tranokto en Mestia, la ĉefurbo de la regiono Svanetio, en familia gastigejo 

La 29-an de majo (merkrede) – La urbo Mestia 

Matene : vizito de la etnografia muzeo 

Posttagmeze : vizito de la urbo Mestia kaj partopreno al kuirarta ateliero 

Tranokto en Mestia, la ĉefurbo de la regiono Svanetio, en familia gastigejo 

La 30-an de majo (ĵaude) – La naturparko de Okatse 

Vizito de parto de la naturparko de Okatse: akvofalo kaj kanjono pere de supra ponto 

Reveno kaj tranokto en Kutaiso en familia gastigejo 

La 31-an de majo (vendrede) – La urbo Kutaiso kaj la monaĥejo Gelati 

Matene: vizito de la urbo Kutaiso kaj ĝia monaĥejo Gelati 

Posttagmeze: foriro al la suda regiono Samcĥe-Ĝavaĥeti (malgranda kaŭkazo), gustumado de vino en tipa kartvela domo, kiu enhavas malnovan vinkelon, kun klarigoj pri la tradiciaj metodoj de vinfarado. 

Tranokto en la urbo Aĥaltsiĥe, en familia gastigejo
 La 1-an de junio (sabate) – La fortresego Rabati kaj la troglodita urbo Vardzia 

Matene : vizito de la renovigita fortresego de Rabati en la urbo Aĥaltsiĥe kie videblas moskeo kaj preĝejo sub unu tegmento,kaj poste vizito de la mezepoka troglodita urbokomplekso Vardzia 

Posttagmeze : halto ĉe la lago Paravani kaj promenado en la duoninsula vilaĝo Tabackuri 

Tranokto en familia gastigejo 

La 2-an de junio (dimanĉe) – Bolnisi kaj Dmanisi 

Matene : vizito de la preĝejo Bolnisi kie troviĝas la unuaj kartvelaj skribaĵoj. 

Posttagmeze : muzeo de Dmanisi sur la loko kie sciencistoj malkovris prauloj kiuj datiĝas minus 1,8 milionoj da jaroj kaj reveno al Tbiliso. 

Tranokto en tristela hotelo en la centro de la urbo Tbiliso 

La 3-an de junio (lunde) – Tbiliso 

Libera tago por tiuj kiuj deziros. 

Vizito de tipa bazaro por ĝui la lokan etoson kaj aĉeti tipajn specialaĵojn 

Vizitado de la nacia muzeo kaj de la supra parko Mtacminda 

Adiaŭa vespermanĝo en restoracio 

Tranokto en tristela hotelo en la centro de la urbo Tbiliso 

La 4-an de junio (marde) – Reveno

VOJAĜKOSTOJ 

Flugbiletojn 

Ili ne estas inkluzivitaj. 

Tiu prezo inkluzivas la tranoktojn, la manĝojn kun limigitaj trinkaĵoj, la veturadojn, la ekskursojn, la gvidistojn, kaj la muzeojn. Kromaĵoj, kiel ekzemple la sulfuraj banejoj en Tbiliso, vi devos mem pagi. 

Vi povos pagi tiun sumon dumaniere: 

- per unu fojo, antaŭ la 10an de marto 2024, 

- aŭ per du fojoj (30% antaŭ la 10an de marto 2024, kaj la saldo antaŭ la 20an de aprilo). 

Haveblaj pagrimedoj: 

- per monĝiro al la IBAN bankokonto FR76 1426 5006 0004 1604 1254 963 

- per ĉeko (nur por la francoj)
 
 ATENTU PRI LA JENAJ INFORMOJ : 

 • La proponita plano ne estas 100 % garantiota. Ĝi povos esti iomete ŝanĝita pro la veterkondiĉoj, aŭ la neatenditajn okazaĵojn. 

 • Multaj landoj ne bezonas vizon, nur validan pasporton. Bonvolu kontroli tiun fakton. 

 • La vojaĝo ne devigas esti sportisto, tamen vi almenaŭ devos esti kapabla senprobleme marŝadi sur padoj aŭ suriri ŝtupojn. 

 • La veturado okazos plejparte per buso kaj kelkfoje, ĉefe en montaro, per teraj skuemaj vojoj. Vi ne devos timi aŭ esti malsanemaj en tiaj kondiĉoj. 

 • La vetero fine de majo ne estas varmega. Ni tamen uzos klimatizitan buson. Eblos ke kelkaj tranoktejoj ne havos klimatizilon. 

 • La komforteco por tranokti varios laŭ la lokoj (tristela hotelo en la ĉefurbo Tbiliso), tamen ĉiam kun privata banejo kaj necesejo. Se iu deziras havi individuan dormoĉambron sole, li/ŝi devos nepre tuj anonci tion pere de la demando ĉi-sube. Tio postulos krompagon je 165 € por la tuta vojaĝo. 

 • Neniu aparta vakcinado estas devigata. Ne eblas eniri kun kelkaj specifaj medikamentoj (opiaj ekzemple), sen speciala dokumento. Se vi havus dubon pri medikamento, petu klarigon al ni. 

 • Eblas manĝi senprobleme por la vegetaranoj kaj veganoj.
 
Bonvolu elŝuti la aliĝilon disponebla ĉi-sube, plenigi ĝin, kaj sendi al tturmanidze@hotmail.com