Istvan Ertl prelegos pri "La edzino de l"tempvojaghanto". Jen unu el la plej malkutimaj amhistorioj en la monda literaturo. 

Clare kaj Henry renkontas sin la unuan fojon kiam ŝi aĝas ses kaj li – tridek ses. Ĉe la geedziĝo, ŝi tamen estas dudek du jarojn aĝa, dum li – tridek. Tio eblas nur ĉar Henry moviĝas en la tempo malsame ol ni ĉiuj. 

Tempvojaĝado ne faciligas amrilaton, milde dirite. Dum ni leg-akompanas la vivon de paro kiu defias „krono-sindromon”, ni ekpensas pri la ekstertempeco de tio kio plej fortas en la vivo de la specio homo: amo.

 

Plurfoje filmigita, tradukita en dudekon da lingvoj, la furora romano nun ricevis Esperantan veston el la manoj de István Ertl, kiu parolos al vi ĉi-vespere pri sia sperto kiel leganto kaj kiel tradukanto.

Tiu ĉi evento estas organizita de la londona (LEK) kaj antverpena (LVS) kluboj.

Petu la zoom-ligilon ĉe:
https://londonaesperantoklubo.com/zoom.html

LVS-anoj povas peti la zoom-ligilon ankaŭ retmesaĝe (antaŭ 18:00 CET) ĉe:
esperanto-antwerpen@esperanto.be 

Vi tiam ricevos retmesaĝon kun informoj vendredposttagmeze.