Renkontiĝo de Grekaj Esperantistoj

Ĝi estas diskuto pri la pasinteco, la nuntempo kaj precipe la estonteco de la Esperanto-movado en Grekio. Grekaj esperantistoj loĝantaj en Grekio kaj eksterlande povas partopreni en la diskuto.

Ĝi estas okazo por interkoni kaj interŝanĝi ideojn, kaj loko por fermenti tendencojn kaj opiniojn, kiuj venas kaj de la malnova generacio de tradiciaj esperantistoj kaj de la nova generacio, kiu celas adaptiĝi al la modernaj tendencoj de la socio.

Moderigas la diskuton la historia oficisto de la Helena Esperanto-Asocio, Angelos Tsirimokos.