Jam la lastan fojon ni kolektiĝas por preĝi kaj studi la Vorton de Dio, por tiel pretigi nin al la inda celebrado de la Soleno de la Naskiĝo de la Sinjoro. Ni kontemplos la Viziton de la Beata Virgulino Maria kaj la kortuŝan saluton, kiun ŝi aŭdis de Elizabeta.

La tradicio de la okcidenta Eklezio volas, ke ni aparte aŭskultu la alvokon de la libro de la profeto Jesaja: „Rosu, ĉieloj, de supre”. Tial por la hodiaŭa liturgio mi pretigis la esperantan version de tiu ĉi gregoria ĉanto. Ĝi utilu al via kontemplado kaj preĝado. Dio benu!

„La Liturgio de la Vorto”