La Societo Esperantista de Minas-Ĵerajso (SEM)- Brazilo, festos la Zamenhofan Tagon en Belo-Horizonto, la 15-an de decembro 2023.

Ni kunvenos sur Placo Zamenhof (kromnomo Placo Esperanto), en la restoracio Florestal, kiu donos 10% da rabato sur ĉiu elspezo.

Tie ni babilados, bierumos, muzikumos per brazilaj esperantigitaj kantoj kaj manĝos la bongustajn ĉefe vegetarajn manĝaĵojn de la restoracio.

Ni profitos por disdoni flugfoliojn al kiu interesiĝos pri Esperanto.

 Jen la loko: https://maps.app.goo.gl/UccWFDCyz64rZY3x7

PS: trovu nian steleton, kiu staras sur la muro de la restoracio ekde la Tago de Esperanto, la 26an de julio.