Rapide pasas jaroj kaj jen jam 41 fojon ni renkontiĝas dum Ĉebalta Esperantista Printempo en Mielno - Unieście. Multaj el Vi havis jam okazon veni junie Mielnon. Multaj multfoje. Tiujn, kiuj volas veni la unuan fojon kaj tiujn, kiuj volas rememori sian restadon ĉe Balta Maro ni invitas en la tagoj de 7an ĝis 18an de junio 2019 al komuna travivaĵo de etoso de konata en Pollando ripozloko. Invitu ankaŭ viajn familianojn, konatulojn kaj amikojn por kune travivi neforgeseblajn momentojn kun esperantistoj kaj inter esperantistoj. Ni atendas vian partoprenon kaj vian kontribuon al la programo de tradicia "esperantista printempo".