Estas renkontiĝo, kiun organizas APETO (Agado por la Progresigo de Esperanto en Togolando) inter siaj membroj, memore al la naskiĝtago de Zamenhof
Laŭprograme
estos ekspozicio de la revuo « Esperanto en Afriko », deklamo de
poemoj, filmprezento, prelegoj, kolekto de impresoj rilate al UEA kaj la nova
kotizsistemo, video-interbabilado kun eksterafrikaj e-istoj, kunmanĝo kaj
diversaĵoj.
Mallonge,
temos pri la plej granda ĉi-jara festo en Togolando. Oni bonvolu aliĝi por kunfesti
kun ni la Tagon de Esperanto-kulturo en bona etoso.