đŸ–„ 🐀RB_Hameln: đŸŽ¶21-a Kantoparado - voĉdonu por la kanto de la tago!
20:00 - 22:00
EĆ­ropo/Berlino
Elekti horzonon
Klubkunveno de la Ratkaptista Bando Hameln - ĉi-foje rete per Zoom

InternaciaLoka

Kluba kunveno de la loka grupo "La Ratkaptista Bando". Ni kore bonvenigas gastojn, interesitojn kaj speciale Duolingo-lernantojn!

Detala programo:
15.06.2022:     20.00 horo virtuala kunveno per Zoom:     21-a Kantoparado - voĉdonu por la kanto de la tago!
Vi havas la eblecon prezenti unu el viaj plej Ɲatataj Esperanto-kantoj kaj post la prezentado ni voĉdonas kaj elektas la kanton de la tago.
Kantoparado - Christina Dichterliebchen zupft. by wolfgraebel is licensed under CC BY-NC-ND 2.0.jpg 299 kB
Reguloj:
- Entute estas prezentitaj 9 kantoj.
- Ĉiu povas sendi antaƭ la kunveno unu deziratan kanton (kun la ligilo ekz. al jutubo) al la adreso hameln@esperanto.de .
- Elektado dependas de la alventempo de la retpoƝto.  Bonvolu sendi vian proponon minimume 2 semajnojn antaƭe, por ke ni povu prepari ĉion ĝustatempe.  Se venas pli da kantoj, ili povas esti ludataj en la sekva Kantoparado.
- Post la prezentado de ĉiuj kantoj (fare de la proponantoj) ĉiu partoprenanto en la virtuala Zoom-ĉambro rajtas voĉdoni (per ligilo al la paĝo de PollUnit, kiu aƭtomate kalkulas la voĉojn).
- Disdonado de la poentoj: Ĉiu havas entute 7 poentojn por disdoni. Vi povas doni al unu kanto maksimume 4 poentojn.     
Ekzemplo: 
la kanto, kiu plej plaĉas al vi, ricevas 4 poentojn,
la sekva 2 poentojn
kaj por plia kanto vi rajtas doni ankoraĆ­ 1 poenton.
- Se tio ne plaĉas al vi, per PollUnit eblas disdoni viajn 7 poentojn ankaƭ alimaniere,
ekzemple:
unu kanto 4 poentojn, la dua 3 poentojn,
aĆ­:
al sep kantoj po 1 poento,
aĆ­ simile.
- Post adicio de la poentoj ni ekscias, kiu estas la Kanto de la tago.
- La kantoj sur rango 1 ĝis 3 denove estos prezentataj en la sekva Kantoparado (ĉirkaƭ post 3 monatoj), kune kun 6 nove dezirataj, kaj ili povas esti reelektitaj maksimume 6 fojojn kaj poste denove proponita post unu jaro.
- Multan plezuron! 

La ligilo al la Zoom-ĉambro de la Esperanto-grupo Hameleno estas: https://us04web.zoom.us/j/851458747?pwd=VGNaVnlXK0taaWFvY0tiMmRMQVlQZz09 . Kiel pasvorton enmetu la numeron de la naskiĝjaro de Esperanto (la jaro, en kiu aperis la "Unua Libro"). Vi trovas ĝin sur la paĝo https://lernu.net/eo/esperanto .  Aƭ demandu ĝin per retpoƝto al hameln@esperanto.de .

Rezulto 21-a Kantoparado.PNG 319 kB
Proponoj dum la Kanto-Parado je la 15.06.2022:
1) Pavel: 4:29 Milito – Įomart kaj NataƝa https://www.youtube.com/watch?v=w_lyGQRXlps
2) Jean: 4:53 Haleluja – Manƭel (Emanuele Rovere) https://www.youtube.com/watch?v=oPtT4upFAaw
3) AdjĂ©vi+Axel: 3:22 Milito aĉas – Joel Muhire https://www.youtube.com/watch?v=NwlwsJDNjzE
4) Dima: 2:38 Duono – Tantsy Minus https://www.youtube.com/watch?v=ZDqBnCIBow0
5) Klaas: 4:27 Fluas la vivo – RenĂ© BinamĂ© https://www.youtube.com/watch?v=48Hb1aDYtEM
6) Conny I: Tro valoras por mi – Ĝanfranko, Gido, Marĉela elƝuto (kasedo BAF!)   
7) Įenja: 1:45 Verda Folieto - ĮeLe (Ukraina kanto) parto ekde 17:32 – 19:17 el https://www.youtube.com/watch?v=DCyqsmdIJCE
8) Heinz: 3:21 Aventuroj de iu migrinto – Conny II (teksto: Tatjana Auderskaja) https://www.youtube.com/watch?v=nPWFrrOe1dY
9) David D.:2:21 Jen – La Porkoj/Ale Kosabela (regea versio) https://www.youtube.com/watch?v=Z9ClYMLBvGw

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/qavrjirb6miudfuovjhlpw kaj
https://pollunit.com/de/polls/qavrjirb6miudfuovjhlpw/evaluations

Poentoj 21-a Kantoparado.PNG 31,5 kB
Venkintoj post la voĉdonado (36 partoprenantoj) kaj venontan fojon denove ĉeestos:
1-a rango kun 47 poentoj: Aventuroj de iu migrinto – Conny II (teksto: Tatjana Auderskaja)
2-a rango kun 41 poentoj: Haleluja – Manƭel (Emanuele Rovere)
3.-a rango kun 37 poentoj: Milito - Įomart kaj NataƝa

Landoj 21-a Kantoparado.PNG 30,5 kB








Denove estis bela vespero dum la 21-a Kantoparado. Entute venis 50 homoj el 21 landoj (Hispanujo, Hungarujo, Belgujo, Norvegujo, Slovakujo, Ukrainujo, ĈeÄ„ujo, Kongo KinƝaso, Pollando, Rusujo, Francujo, Togolando, Kroatujo, Svislando, Italujo, Litovujo, Danujo, Britujo, AĆ­strujo, Nederlando kaj Germanujo). Koran dankon, ke vi ĉeestis. Voĉdonis en la fino 36 homoj.

Foto: ©  "Christina Dichterliebchen zupft." by wolfgraebel is licensed under CC BY-NC-ND 2.0 

Aldonaj informoj:
 
Dosieroj
Registritaj prezentoj
Informoj

www.esperanto.de/eo/enhavo/hameln...
hameln(ĉe)esperanto.de

Interesiĝantoj

4

Indiku ke vi interesiĝas kaj vi ricevos memorigajn retmesaĝojn pri la evento.


Anjo Amika


Heinz-Wilhelm Sprick


Conny Klee

kaj pli...

Administranto