Kluba kunveno de la loka grupo "La Ratkaptista Bando". Ni kore bonvenigas gastojn, interesitojn kaj speciale Duolingo-lernantojn!
Ĉar la Sumpfblume ankoraŭ estas fermita merkrede, ni renkontiĝas hodiaŭ nur virtuale per Zoom!

Detala programo:
14.07.2021:     20.00 horo virtuala kunveno per Zoom:     10-a Kantoparado - voĉdonu por la kanto de la tago!
Vi havas la eblecon prezenti unu el viaj plej ŝatataj Esperanto-kantoj kaj post la prezentado ni voĉdonas kaj elektas la kanton de la tago.

Reguloj:
- Entute estas prezentitaj 9 kantoj.
- Ĉiu povas sendi antaŭ la kunveno unu deziratan kanton (kun la ligilo ekz. al jutubo) al la adreso hameln@esperanto.de .
- Elektado dependas de la alventempo de la retpoŝto. Iom preferataj estas la deziroj de la klubaj membroj. Se venas pli da kantoj, ili povas esti ludataj en la sekva Kantoparado.
- Post la prezentado de ĉiuj kantoj (fare de la proponantoj) ĉiu partoprenanto en la virtuala Zoom-ĉambro rajtas voĉdoni (per ligilo al la paĝo de PollUnit, kiu aŭtomate kalkulas la voĉojn).
- Disdonado de la poentoj: Ĉiu havas entute 7 poentojn por disdoni. Vi povas doni al unu kanto maksimume 4 poentojn.     
Ekzemplo: 
la kanto, kiu plej plaĉas al vi, ricevas 4 poentojn,
la sekva 2 poentojn
kaj por plia kanto vi rajtas doni ankoraŭ 1 poenton.
- Se tio ne plaĉas al vi, per PollUnit eblas disdoni viajn 7 poentojn ankaŭ alimaniere,
ekzemple:
unu kanto 4 poentojn, la dua 3 poentojn,
aŭ:
al sep kantoj po 1 poento,
aŭ simile.
- Post adicio de la poentoj ni ekscias, kiu estas la Kanto de la tago.
- La kantoj sur rango 1 ĝis 3 denove estos prezentataj en la sekva Kantoparado (ĉirkaŭ post 3 monatoj), kune kun 6 nove dezirataj, kaj ili povas esti reelektitaj maksimume 6 fojojn kaj poste denove proponita post unu jaro.
- Multan plezuron! 

 La ligilo al la Zoom-ĉambro de la Esperanto-grupo Hameleno estas: https://us04web.zoom.us/j/851458747?pwd=VGNaVnlXK0taaWFvY0tiMmRMQVlQZz09 . Kiel pasvorton enmetu la numeron de la naskiĝjaro de Esperanto (la jaro, en kiu aperis la "Unua Libro"). Vi trovas ĝin sur la paĝo https://lernu.net/eo/esperanto .  Aŭ demandu ĝin per retpoŝto al hameln@esperanto.de .

Proponoj dum la Kanto-Parado je la 14.07.2021:
1) Eva: 5:06 La lasta tago de aŭgusto- Mikaelo Povorin elŝutado
2) Fejfi: 3:37 Ĉuk – Kajto https://www.youtube.com/watch?v=gYmhdYx-GZU

3) Santiago: 3:33 Reklamo al silento – Team‘ https://www.youtube.com/watch?v=-ivJSLyFdrM

4) Heinz: 4:12 Mi ŝatas vin – Manu Chao en Eo (diversaj kantistoj) https://www.youtube.com/watch?v=J95ZxzkiJYA&list=RDzSFxGDQtCoo

5) Manŭel: 4:52 Dankas mi la vivon – Manŭel Rovere https://www.youtube.com/watch?v=T_-3CeOQSy4

6) Anŭar: 3:31 Ni renkontiĝos – Volĉjo Soroka (diversaj kantistoj) https://www.youtube.com/watch?v=DVqKotXWqjg

7) Anjo: 5:05 Liberec‘ – Ĵomart kaj Nataŝa https://www.youtube.com/watch?v=sVLd4edz88I

8) Paula: 3:46 Tiel la mondo iras – Juliano Hernández Angulo https://www.youtube.com/watch?v=4dNRtJ9ZEGY

9) Karl-Heinz: 2:52 Sub la ponto – Martin & La talpoj https://www.youtube.com/watch?v=mJ7HGUBrsJE

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/tqx8ujvpuq02vcgp0em_ja

Venkintoj post la voĉdonado (37 partoprenantoj) kaj venontan fojon denove ĉeestos:
1-a rango kun 43 poentoj: Dankas mi la vivon - Manŭel
2-a rango kun 34 poentoj: Ĉuk - Kajto
3-a rango kun 18 poentoj: Ni renkontiĝos - Volĉjo Soroka kaj div. kantistoj 

Foto: ©  "Christina Dichterliebchen zupft." by wolfgraebel is licensed under CC BY-NC-ND 2.0 

Aldonaj informoj: