🖥 🐀RB_Hameln: 🎶La Kantoparado de Kantoparadoj - aŭskultu la plej sukcesajn kantojn de la pasintaj Kantoparadoj kaj voĉdonu por la kanto de la tago! Ĉi-foje la Kantoparado gastas ĉe la Antverpena kaj Londona kluboj
20:00 - 22:00
Eŭropo/Berlino
Elekti horzonon
Klubkunveno de la Ratkaptista Bando Hameln - ĉi-foje rete per Zoom kaj okaze de la eŭrovida kantkonkursa semajno la Kantoparado gastas ĉe la Antverpena kaj Londona kluboj!

InternaciaLoka

Kluba kunveno de la loka grupo "La Ratkaptista Bando". Ni kore bonvenigas gastojn, interesitojn kaj speciale Duolingo-lernantojn! Ĉi-foje okaze de la eŭrovida kantkonkursa semajno la Kantoparado gastas ĉe la Antverpena kaj Londona kluboj!

Detala programo:
13.05.2022:     20.00 horo virtuala kunveno per Zoom:     La Kantoparado de Kantoparadoj - voĉdonu por la kanto de la tago! - Ĉi-foje okaze de la eŭrovida kantkonkursa semajno la Kantoparado gastas ĉe la Antverpena kaj Londona kluboj kaj vi povas aŭskulti la ĝis nun plej sukcesajn kantojn de la pasintaj Kantoparadoj!
Vi havas la eblecon aŭskulti naŭ de la plej ŝatataj Esperanto-kantoj de la pasintaj Kantoparadoj kaj post la prezentado ni voĉdonas kaj elektas la kanton de la tago. Santiago, Teresa, Anna + Friederike, Waltraut, Heinz, Inge + Waltraut, Fejfi, Manŭel kaj Karl-Heinz prezentos siajn ŝatatajn kantojn, kiuj minimue dufoje estis reelektitaj kaj pro tio la plej sukcesaj kantoj de la la pasintaj 19 Kantoparadoj.
Kiu el tiuj ĉi plej ŝatataj kantoj poste estos elektita la plej ŝatata de la tago?
Venu, aŭskultu, ĝuu belan Esperanto-muzikon, voĉdonu por viaj plej ŝatataj kantoj kaj lasu surprizi vin poste de la rezulto! Bonvenon! 
Kantoparado - Christina Dichterliebchen zupft. by wolfgraebel is licensed under CC BY-NC-ND 2.0.jpg 299 kB
Reguloj:
- Entute estas prezentitaj 9 kantoj.
- Post la prezentado de ĉiuj kantoj (fare de la proponantoj) ĉiu partoprenanto en la virtuala Zoom-ĉambro rajtas voĉdoni (per ligilo al la paĝo de PollUnit, kiu aŭtomate kalkulas la voĉojn).
- Disdonado de la poentoj: Ĉiu havas entute 7 poentojn por disdoni. Vi povas doni al unu kanto maksimume 4 poentojn.     
Ekzemplo: 
la kanto, kiu plej plaĉas al vi, ricevas 4 poentojn,
la sekva 2 poentojn
kaj por plia kanto vi rajtas doni ankoraŭ 1 poenton.
- Se tio ne plaĉas al vi, per PollUnit eblas disdoni viajn 7 poentojn ankaŭ alimaniere,
ekzemple:
unu kanto 4 poentojn, la dua 3 poentojn,
aŭ:
al sep kantoj po 1 poento,
aŭ simile.
- Post adicio de la poentoj ni ekscias, kiu estas la Kanto de la tago.
- La kantoj sur rango 1 ĝis 3 denove estos prezentataj en la sekva Kantoparado (ĉirkaŭ post 3 monatoj), kune kun 6 nove dezirataj, kaj ili povas esti reelektitaj maksimume 6 fojojn kaj poste denove proponita post unu jaro.
- Multan plezuron! 

Petu la enirkodon al la Zoom-ĉambro de la Antverpena Klubo ĉe esperanto-antwerpen@esperanto.be antaŭ 18:00 CET.
Vi tiam ricevos retmesaĝon kun informoj vendredposttagmeze.  Aŭ alternative demandu ĝin ĉe Heinz per retpoŝto al hameln@esperanto.de.

rezulto de la KP de KPj.PNG 594 kB
Proponoj dum la Kanto-Parado de Kantoparadoj je la 13.05.2022:
1) Santiago: 3:33 Reklamo al silento – Team‘ https://www.youtube.com/watch?v=-ivJSLyFdrM ( > ni spektis filmon farita de Klaas)
2) Teresa: 3:57 La tempo de espero – Mariusz Domaszewicz https://www.youtube.com/watch?v=hHV-DBjRhE4
3) Anna + Friederike: 1:51 Kisi vin - Pigor & Eichhorn https://www.youtube.com/watch?v=gcZRqp0cXdU
4) Waltraut: 5:59 La Universala Arbo – Kajto https://www.youtube.com/watch?v=u26tgDnFRYg
5) Heinz: 2:13 Indiĝena Romanco- Luis Obando, Jahir Cataño https://www.youtube.com/watch?v=Inf2MIurvvE
6) Inge+ Waltraut: 4:52 Haleluja – Ĵomart, Nataŝa kaj pliaj muzikistoj (poŝtelefona projekto) https://www.youtube.com/watch?v=r91Rry7w_uc
7) Fejfi: 3:37 Ĉuk – Kajto https://www.youtube.com/watch?v=gYmhdYx-GZU
8) Manŭel: 4:52 Dankas mi la vivon – Manŭel Rovere https://www.youtube.com/watch?v=T_-3CeOQSy4
9) Karl-Heinz: 11:40 Ĉu vi kontentas? – La Perdita Generacio https://www.youtube.com/watch?v=yA68B0grCBY

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/aq_sgtmnh_snx3gdmsqgjg kaj
https://pollunit.com/de/polls/aq_sgtmnh_snx3gdmsqgjg/evaluations

poentoj de la KP de KPj.PNG 41,2 kB
Venkintoj post la voĉdonado (37 partoprenantoj):
1-a rango kun 36 poentoj: Dankas mi la vivon - Manŭel (Emauele Rovere)
same 1-a rango kun 36 poentoj: La Universala Arbo - Kajto
3-a rango kun 34 poentoj: Ĉu vi kontentas? - La Perdita Generacio 
 
La Kantoparado gastis per speciala Kantoparado de Kantoparadoj ĉe la "Verda Stelo" el Antverpeno (kunlabore kun la Londona Esperanto-Klubo). Vi povis aŭskulti la naŭ ĝis nun plej sukcesajn kantojn de la pasintaj Kantoparadoj. Denove estis bela vespero kaj eĉ du kantoj gajnis. Entute venis 50 homoj (parttempe aŭ tutan tempon) el 25 landoj (Hungarujo, Belgujo, Ukrainujo, Ĉeĥujo, Italujo, Bulgarujo, Usono, Danujo, Slovakujo, Norvegujo, Israelo, Svedujo, Luksemburgo, Svislando, Francujo, Hispanujo, Kroatujo, Kongo Kinŝaso, Pollando, Britujo, Nederlando, Barato, Litovujo, Aŭstrujo kaj Germanujo). Koran dankon, ke vi ĉeestis. Voĉdonis en la fino 37 homoj.

Foto: ©  "Christina Dichterliebchen zupft." by wolfgraebel is licensed under CC BY-NC-ND 2.0 

Aldonaj informoj:
 
Dosieroj
Registritaj prezentoj
Informoj

www.esperanto.de/eo/enhavo/hameln...
hameln(ĉe)esperanto.de

Partoprenontoj tra Eventa Servo

5

Indiku ke vi partoprenos kaj vi ricevos memorigan retmesaĝon du horojn antaŭ la komenco de la evento.


Anjo Amika


Heinz-Wilhelm Sprick


Conny Klee

kaj pli...

Administranto