đŸ–„ 🐀RB_Hameln: đŸŽ¶26-a Kantoparado - voĉdonu por la kanto de la tago!
20:00 - 22:00
EĆ­ropo/Berlino
Elekti horzonon
Klubkunveno de la Ratkaptista Bando Hameln - ĉi-foje rete per Zoom

InternaciaLoka

Kluba kunveno de la loka grupo "La Ratkaptista Bando". Ni kore bonvenigas gastojn, interesitojn kaj speciale Duolingo-lernantojn!

Kantoparado KLEIN - Christina Dichterliebchen zupft. by wolfgraebel is licensed under CC BY-NC-ND 2.0 KLEIN.jpg 30 kB
Detala programo:
09.11.2022:     20.00 horo virtuala kunveno per Zoom:     
26-a Kantoparado - voĉdonu por la kanto de la tago!
Vi havas la eblecon prezenti unu el viaj plej Ɲatataj Esperanto-kantoj kaj post la prezentado ni voĉdonas kaj elektas la kanton de la tago.


Reguloj:
  • Dum la kunveno estas prezentitaj 9 kantoj kaj ilia resuma filmo.
  • Nur post la 9+1 prezentoj ĉiu ĉeestanto en la Zoom-ĉambro ekrajtas voĉdoni: 
    • Prefere per la paĝo de PollUnit, kiu aĆ­tomate kalkulas la voĉojn (la ligilon vi ricevos post la resuma filmo)
    • Nur se eble tio ne funkcias, vi rajtas sendi vian voĉdonadon al  hameln@esperanto.de  aĆ­ per privata mesaĝo al Heinz en la Zoom-babilejo
    • Nur tra PollUnit, retmesaĝo kaj Zoom-babilejo voĉdonado validas
  • Ĉiu havas entute 7 poentojn por disdoni. Vi povas doni al unu kanto maksimume 4 poentojn. Tri ekzemploj:  
    • la kanto, kiu plej plaĉas al vi, ricevas 4 poentojn, la sekva 2 poentojn kaj unu plia ankoraĆ­ 1 poenton.
    • unu kanto ricevas 4 poentojn, la dua 3 poentojn
    • al sep kantoj vi donas po 1 poento
  • Vi nepre sendu vian voĉdonon per via propra, rekonebla nomo. Ne validas asocioj, klubaj aĆ­ fantaziaj nomoj
  • Post adicio de la poentoj ni ekscias, kiu estas la Kanto de la tago.
  • La kantoj sur rangoj 1 ĝis 3 denove estos prezentataj en la sekva Kantoparado, kune kun 6 novaj proponoj, kaj ili povas esti reelektitaj maksimume 6 fojojn kaj poste denove proponitaj post unu jaro.

Propraj proponoj
  • Ĉiu povas sendi minimume 2 semajnojn antaĆ­ la kunveno unu deziratan kanton (kun la ligilo ekz. al jutubo) al la adreso hameln@esperanto.de .
  • Elektado dependas de la alventempo de la retpoƝto. Se venas pli ol 6 kantoj, ili povas esti ludataj en unu el la sekvaj Kantoparadoj.
  • Por havi pli varian programon, ĉiu proponinto kaj ankaĆ­ ĉiu muzikisto plejeble rajtas partopreni nur per unu kanto samtempe.

Rezulto de la voĉdonado
Kelkajn tagojn post la Kantoparado vi povas legi ĉi-tie sube: 
  • la liston de la kantoj kaj la ligilojn al ili
  • la ligilon al la resuma filmo
  • la rezulton de la voĉdonado
Alklaku la dosierojn sube por pli bone legi ilin.
 
Multan plezuron! 

La ligilo al la Zoom-ĉambro de la Esperanto-grupo Hameleno estas: https://us04web.zoom.us/j/851458747?pwd=VGNaVnlXK0taaWFvY0tiMmRMQVlQZz09 . Kiel pasvorton enmetu la numeron de la naskiĝjaro de Esperanto (la jaro, en kiu aperis la "Unua Libro"). Vi trovas ĝin sur la paĝo https://lernu.net/eo/esperanto .  Aƭ demandu ĝin per retpoƝto al hameln@esperanto.de .

Rezulto 26-a Kantoparado.PNG 263 kB
Proponoj dum la 26-a Kanto-Parado je la 09.11.2022:
1) Pia: 2:53 Ĉu vi volas danci? – jOmO https://www.youtube.com/watch?v=-KBkec3Smsw
2) Marcelin: 3:30 La amikoj – Chris Freddy Pendeki https://www.youtube.com/watch?v=6q3l8hotwpE
3) Axel: 3:06 Ebrio – Maciej BogumiƂ Nerkowski + Koruso kaj Orkestro de PodlaÄ„ia Operejo kaj Filharmonio (Teksto: William Auld) https://www.youtube.com/watch?v=3nTPNWIloiQ
4) Evelina: 2:49 Ekvinokso – Ensemblo Ekvinokso https://www.youtube.com/watch?v=ugCe1rIbh5A
5) Paƭlo: 3:15 Parto de mi (Katy Perry / Esperanto-versio) - Cristina Casella  https://www.youtube.com/watch?v=2l2wtiq1W7o
6) Sven: 3:03 Vagadi Sencele – Įomart kaj NataƝa https://www.youtube.com/watch?v=WrnueU6UvHk
7) Nelson: 5:13 Esperantisto – Manƭel https://www.youtube.com/watch?v=_GsZpbWjICc
8) Inge: 3:09 Amsterdam‘ - La kompanoj (Jacques Brel) https://www.youtube.com/watch?v=4tldjroxdUk
9) Heinz: 4:42 Drag Queen – Kore https://www.youtube.com/watch?v=-41huOEKWBU

Rezultoj kaj statistikoj de la voĉdonado estas videblaj ĉi tie:
https://pollunit.com/de/polls/fymho1cqvfr0pebxfej9pg kaj
https://pollunit.com/de/polls/fymho1cqvfr0pebxfej9pg/evaluations 

Poentoj 26-a Kantoparado.PNG 44,4 kB
Venkintoj post la voĉdonado (30 partoprenantoj) kaj venontan fojon denove ĉeestos:
1-a rango kun 39 poentoj: Vagadi Sencele – Įomart kaj NataƝa
2-a rango kun 31 poentoj: Esperantisto – Manƭel
3-a rango kun 29 poentoj: Drag Queen – Kore

Landoj 26-a Kantoparado.PNG 50,7 kB







Denove estis bela vespero dum la 26-a Kantoparado. Entute venis 35 homoj el 18 landoj (Italujo, Kongo KinƝasa, Belgujo, Hungarujo, Danujo, ĈeÄ„ujo, Brazilo, Svedujo, Pollando, Litovujo, Svislando, Kroatujo, Ukrainujo, Britujo, Bulgarujo, Nederlando, Usono kaj Germanujo). Koran dankon, ke vi ĉeestis. Voĉdonis en la fino 30 homoj. 

Foto: ©  "Christina Dichterliebchen zupft." by wolfgraebel is licensed under CC BY-NC-ND 2.0 

Aldonaj informoj:
 
Dosieroj
Registritaj prezentoj
Informoj

www.esperanto.de/eo/enhavo/hameln...
hameln(ĉe)esperanto.de

Interesiĝantoj

3

Indiku ke vi interesiĝas kaj vi ricevos memorigajn retmesaĝojn pri la evento.


Heinz-Wilhelm Sprick


Anjo Amika


Julia Noe

Administranto