Esperanto en la Nokto de la Libroj en Madrido
18:30 - 20:00
Eŭropo/Madrido
Elekti horzonon
Madrida Esperanto-Liceo partoprenas en la Nokto de la Libroj organizita de la madrida regiono. Ni omaĝos la poeton Federico Gacía Lorca per la prezentado de du libroj tradukitaj en Esperanton

Loka

La 1an de oktobro 2021 Madrida Esperanto-Liceo celebros la unuan ĉeestan aktivaĵon en la sidejo post bedaŭrinde multaj monatoj. Ni aliĝos al la celebrado de la Nokto de la Libroj, kiujn organizas la Madrida Komunumo.
Ni omaĝos al la granda poeto Federico García Lorca, okaze de la 50a datreveno de la traduko al Esperanto de lia verko “Cigana romancaro”, kaj de la 85a datreveno de lia murdo. Hispana Esperanto Federacio reeldonas en bita formo tiun ĉi jam klasikan verkon, kaj ankaŭ publikigis novan antologion de poemoj de Lorka, tradukitaj en Esperanton fare de Miguel Fernández, kun titolo “Omaĝe al Lorca”. La oficiala prezento de ambaŭ verkoj okazos dum la Hispana Kongreso de Esperanto, kiu ĉijare disvolviĝos virtuale dum la 2a kaj 3a de oktobro.
Madrida Esperanto-Liceo aliĝas al tiu ĉi kunmemoro, kaj tial la evento pretigita por tiu ĉi Nokto de la Libroj konsistos en la prezentado de ambaŭ verkoj, sekvata de libera deklamado de poemoj de Lorca, en kiu povos partopreni la ĉeestantoj. La ĉeesto estos libera, sed la nombro estas limigita, kaj ni petas tre atenti la prisanajn kriteriojn de la sanaŭtoritatoj.
https://www.esperanto.es/mel/index.php/53-esperanto-en-la-noche-de-los-libros-nokto-de-la-libroj-kun-lorca.
Se vi ne povas ĉeesti, vi povas sekvi la tuton kaj partpreni virtuale per Jitsi en la retejo: https://meet.jit.si/MadridaEsperantoLiceo.

Informoj

www.esperanto.es/mel/index.php/53...
madrid(ĉe)esperanto.es
Rodríguez San Pedro, 13, 3-7

Partoprenontoj

1

Indiku ke vi partoprenos kaj vi ricevos memorigan retmesaĝon du horojn antaŭ la komenco de la evento.


Andrzej Romuald Pacholski

Administranto