La prelego estas dediĉita al la 150-a datreveno de la naskiĝo de la fama ukraina verkistino Lesja Ukrainka, la patronino de Lesja Ukrainka nacia universitato en urbo Lucjk, Ukrainio. Estos prezentitaj la rezultoj de la internacia scienca projekto “Lesja Ukrainka en la mondo de tradukoj” sub gvido de profesoro Nina Danylyuk. Dum plenumo de la projekto estis kolektitaj la tradukoj de la verkoj de Lesja Ukrainka en la angla, la germana, la franca, la hispana, la pola, la ĉeĥa, la serba, la rusa, la sveda, la ĉina, la kartvela lingvoj kaj E. En la projekto partoprenis sciencistoj el multaj universitatoj, inter ili esperantistoj. Precipe mi parolos pri la tradukoj en E, kiujn preparis  konataj esperantistoj: Nadija  Andrianova-Hordijenko, Aleksandr Logvin, Konstantin Gusin, Andreo Rogov, Hilda Drezen, Volodimir Pacjurko, Semen Vajnblat, Petro Palivoda k.a.