Kiel ĉiujare, Bjalistoka Esperanto-Societo aliĝas al la Nacia Legado – ĉiujara evento, dum kiu unu verk(ar)o de la pola literaturo estas legata en tuta Pollando kaj eksterlande. Ĉi-okaze ni eldonos 8 novelojn en Esperanto-traduko, kaj en Centro Ludoviko Zamenhof en Bjalistoko okazos prezento de la libro kun muziko, renkontiĝo kun la tradukintoj, konkurso kaj manĝaĵoj.