Ĉu vi volas verki por la konkurso de INK (https://www.akademio-literatura.org/ink) sed ne scias kiel? Ni helpos al vi!

Venu kaj kaptu inspiron de tio kio okazas en la mondo!

Ĉiun duan sabaton ĝis la 20-a de junio la INK-teamo organizos babiladon kun diversaj invititoj kaj komunan verkadon por instigi vin sendi novelon al la konkurso!

En nia unua programero la 1an de Majo ni babilos kun SAT-anoj pri tiu ĉi grava tago en la historio de laboristoj ĉirkaŭ la mondo.

Ni babilados pri kiel oni organizas la tradicie grandajn manifestaciojn dum pandemiaj tempoj kaj pri kiaj literaturaĵoj en Esperanto ekzistas pri la temo.
Dum la fina duonhoro per helpaj gvidlinioj ni verkos kune rakontojn.

La programo estos elsendita vive tra la jutubkanalo de SAT: https://youtu.be/gDXDVF-up_A

Nia komuna verkateliero okazos en jitsi je la 14:00 UTC: https://meet.jit.si/verkuverku

Ĉiu estas bonvena, ni ĝojas, ke vi venos!